ՀՀ ազգային վիճակագրական ծառայությունից տեղեկացնում են, որ 2012թ. հոկտեմբերին 2011թ. հոկտեմբերի համեմատ կենդանական և բուսական յուղերի գինն աճել է  2,6%–ով, հացամթերքինը՝ 10,0%–ով, սիսեռը թանկացել է 1,0%–ով, սպիտակաձավարը՝ 1,0%–ով, ձավարը՝ 1,4%–ով, բրինձը՝ 1,5%–ով, լավաշը՝ 1,7%–ով, լոբին՝ 2,1%–ով: Ձվի գինն աճել է 2,5%–ով: Աճել է նաև մսամթերքի՝ հավի բդի, եփած և կիսաապխտած երշիկների, խոզապուխտի, բաստուրմայի, ինչպես նաև հրուշակեղենի, սուրճի, թեյի, կակաոյի, ոչ ոգելից խմիչքի, կաթնամթերքի գինը: