ՀՀ նախագահի թեկնածու, «Ազգային համաձայնություն» կուսակցության նախագահ Արամ Հարությունյանն այսօր մամուլի ասուլիսի ժամանակ հայտարարել է, որ իշխանություններին հաջողվել է քաղաքական դաշտն ամայացնել և հասնել քաղաքական ազդեցիկ դիրք ունեցող անձանց չառաջադրմանը։ Նա հրապարակավ դիմել է ՀՀ և ՀՀԿ նախագահ Սերժ Սարգսյանին ու նրա փեսա Միքայել Մինասյանին.

– Սերժ Սարգսյա՛ն և Միքայել Մինասյա՛ն, եթե ձեզ հաջողվեց որոշ թեկնածուների ստիպել չառաջադրվել, ապա ինձ չի հաջողվի ստիպել: Սերժ Սարգսյա՛ն,  ձեզ որևէ օլիգարխ չի կարող հաղթել, որովհետև ամենամեծ օլիգարխը դո՛ւք եք: Ձեզ միայն կարող է հաղթել սովորական ՀՀ քաղաքացին, ինչպիսին ե՛ս եմ։ Ե՛ս եմ այսօր ընդդմիադիր թեկնածուն, ի՛նձ են այսօր գաղտնալսում: Այդ մարդկանց սարսափեցնում է ուղիղ խոսքը, բայց ես չեմ կոտրվելու, որովհետև համոզված եմ, որ չի կոտրվելու Հայաստանի քաղաքացին։

Նախագահի թեկնածուն նաև Սերժ Սարգսյանին կոչ է արել հանել իր թեկնածությունը՝ հնարավորություն տալով, որ արդար ընտրված ՀՀ չորրորդ նախագահը լինի լեգիտիմ, և այսպիսով կարիերան չավարտել Քադաֆիի օրինակով:

7or.am