Քաղաքական

26.03.2013 12:11


Րաֆֆի Հովհաննիսյանը պատասխանեց Սերժ Սարգսյանին

Րաֆֆի Հովհաննիսյանը պատասխանեց Սերժ Սարգսյանին

Րաֆֆի Հովհաննիսյանի պաշտոնական նամակը, որն այս առավոտ ուղարկվել է Սերժ Սարգսյանին՝՝ ի պատասխան մարտի 25-ի նամակի:

«Հարգելի պարոն Սարգսյան

Երեկ ստացա Ձեր` մարտի 25-ի թվակիր նամակը: Դրական եմ գնահատում, որ Դուք վերջապես ուղղակի գրությամբ պատասխանեցիք իմ համալիր առաջարկին: Թեև նամակի ընդհանուր ձեւակերպումներում նկատելի են որոշ վիճարկելի փաստարկներ եւ կանխակալ համոզումներ, այդուհանդերձ առաջխաղացում կարելի է համարել հանգամանքը, որ Դուք պատրաստ եք բանակցությունների հիմք ընդունել իմ ներկայացրած փաստաթուղթը:

Վերահաստատում եմ իմ պատրաստակամությունը` հանդիպելու Ձեզ եւ սեղանին դրված համազգային հանգուցալուծումը քննարկելու ցանկացած ժամի ու ցանկացած ձեւաչափով` Ազատության հրապարակում:

Շնորհակալ եմ իմ առողջությամբ մտահոգվելու համար: Անհանգստանալու հարկ չկա, ես միանգամայն առողջ եմ, կազդուրման կարիք չունեմ եւ կարող ենք առանց հետաձգելու իրականացնել մեր աշխատանքային հանդիպումը հանուն Սահմանադրական նոր Հայաստանի:

Եթե ինչ-ինչ պատճառով Ազատության հրապարակը հարմար վայր չդիտեք հանդիպման առումով, ազատ զգացեք կրկին նամակով ներկայացնելու իմ ամբողջական փաստաթղթից բխող` Ձեր բովանդակային առաջարկությունները, որոնք Ձեր նախորդ արձագանքում բացակայում էին»:



Այս խորագրի վերջին նյութերը