2012թ. ՀՀ բանկային համակարգի միջոցով ֆիզիկական անձանց անունով ոչ առևտրային նպատակով կատարված դրամական փոխանցումների ծավալը՝ ըստ ՀՀ կենտրոնական բանկի տվյալների, մեկ տարվա ընթացքում ավելացել է 109,1 հազ. ԱՄՆ դոլարով։ 2012թ. փոխանցումների ծավալը կազմել է 1 687 263 հազ. ԱՄՆ դոլար։ 2011թ. այն 1 546 959 հազ. ԱՄՆ դոլար է եղել։

Ինչպես 2011 թվականին, նախորդ տարի ևս ամենաշատ դրամական փոխանցումները կատարվել են ՌԴ–ից, այնուհետև ըստ նվազման հերթականության՝ ԱՄՆ–ից, Ղազախստանից, Ուկրաինայից, Ֆրանսիայից, Գերմանիայից, Մեծ Բրիտանիայից, Իսպանիայից և այլ երկրներից։

Նշենք, որ ՀՀ բանկային համակարգի միջոցով ֆիզիկական անձանց անունով ոչ առևտրային նպատակով կատարված դրամական փոխանցումների ծավալը, փաստորեն, աճում է արտագաղթի աճին զուգահեռ։

Ինչպես արդեն տեղեկացրել ենք, մասնավորապես 2013թ. հունվար-փետրվար ամիսներին հանրապետությունից մեկնածների թիվը ժամանածներից՝ նախորդ տարվա նույն  ժամանակահատվածի  համեմատ, ավելացել  է 7,7 հազ.–ով կամ 53,7%-ով և կազմել  22,1 հազար մարդ:

7or.am