Ինչպես հայտնում են Հայաստանում Եվրամիության պատվիրակության մամուլի ծառայությունից, Հայաստանի հետ կնքվելիք Ասոցացման համաձայնագրի վերաբերյալ բանակցությունների ավարտին Եվրամիության արտաքին քաղաքականության և անվտանգության հարցերով բարձր ներկայացուցիչ Քեթրին Էշթոնն ու ԵՄ ընդլայնման հարցերով հանձնակատար Շտեֆան Ֆյուլեն հանդես են եկել համատեղ հայտարարությամբ։ Նրանք հայատնել են, որ Ասոցացման համաձայնագրի վերաբերյալ բանակցություններն ավարվել են։

«Մենք ակնկալում ենք նախաստորագրել Ասոցացման համաձայնագիրը նոյեմբերի 29-ին Վիլնյուսում կայանալիք Արևելյան գործընկերության գագաթնաժողովում, այնուհետև ստորագրել համաձայնագիրը՝ տեխնիկական ընթացակարգերն ավարտելուց հետո»,–ասված է նրանց հայտարարության մեջ:

Ասվում է նաև, որ Համաձայնագիրը դրական ազդեցություն կունենա Հայաստանի ամենօրյա կյանքի վրա և նրա բոլոր քաղաքացիներին կմոտեցնի ԵՄ-ին:

7or.am