Մեկնաբանելով ՀԱԿ–ի հայտարարությունը՝ ԲՀԿ խմբակցության պատգամավոր Վահե Հովհաննիսյանը լրագրողներին ասել է, որ ԲՀԿ-ն միշտ էլ կապ է պահպանում իր գործընկերների հետ, և աշխատանքային մթնոլորտում քննարկում է բոլոր հարցերը:

–Որևէ հակասություն ես չեմ տեսնում. պարզապես աշխատանքային հարցեր կան, բայց դա չի նշանակում, որ սուր առճակատման խնդիր է դրված: Հակասութուններ չկան. աշխատանքային որոշ հարցերում տարակարծություններ կան,-ընդգծել է Վ. Հովհաննիսյանը:

Նա նաև ավելացրել է, որ ԲՀԿ-ն ծրագրում է խոշոր զանգվածային միջոցառումներ, այդ թվում՝ Ազատության հրապարակում, բայց՝ ճիշտ պահի.

–Կորոշենք ճիշտ ժամանակը, ճիշտ պահը։ Չենք ուզում, որ հանրահավաքը դառնա ինքնանպատակ, քանի որ մեզ համար հանրահավաքը միջոց է նպատակին հասնելու համար: Մենք շատ հստակ ճանապարհով գնում ենք. պարտության որևէ հնարավորություն մեզ համար չենք թողնելու: Մենք գնում ենք հանգիստ, ռացիոնալ, ճշգրիտ քայլերով:

ԲՀԿ–ական պատգամավորն ավելացրել է, որ իրենք գնում են այն ճանապարհով, որը հաշվի է առնում նախորդ տարիների բոլոր շարժումների բացթողումները, սխալները, և աշխատում են խուսափել դրանցից:

7or.am