ՀՀ կառավարությունն այսօրվա իր նիստում որոշել է Վայոց ձորի մարզի Ջերմուկ առողջարանային քաղաքում մոծակների և այլ խայթող միջատների դեմ պայքարի համար 15 մլն դրամ տրամադրել։

Այս որոշումը Կառավարությունը պատճառաբանում է Ջերմուկ քաղաքի սոցիալ-տնտեսական զարգացման գործում տուրիզմի՝ որպես գերակա առաջնահերթություն լինելով, հետևաբար պետք է ապահովել մարդկանց հանգստի՝ պատշաճ մակարդակով կազմակերպումը, անվտանգ և որակյալ սնունդը, վարակիչ հիվանդություններից մարդկանց և կենդանիների պաշտպանությունը, տուրիզմի գոտիներում հիվանդությունների բռնկման և տարածման կանխարգելումը։

15 մլն դրամը հատկացվելու է ՀՀ գյուղատնտեսության նախարարությանը:

Նախորդ տարի մոծաների դեմ պայքարելու համար Կառավարությունը հատկացրել էր 4 մլն 576.3 հազ դրամ:

7or.am