Քաղաքական

12.06.2015 14:00


ՀԾԿՀ նախագահը չի բացառում ՀԷՑ–ին լիցենզիայից զրկելը

ՀԾԿՀ նախագահը չի բացառում ՀԷՑ–ին լիցենզիայից զրկելը

ՀԾԿՀ նախագահ Ռոբերտ Նազարյանն «Էլեկտրաէներգիայի սակագնի վերանայման հիմնավորվածության վերաբերյալ» խորհրդարանական լսումների ժամանակ հայտնել է, որ ՀԷՑ–ի սեփականաշնորհման մասին կա հատուկ օրենք, և ամրագրված են լիցենզիայի պայմաններ։

–Եվ եթե դրանք ընկերությունը չի կատարում, ապա որոշակի պատժամիջոցներ են կիրառվում,–ասել է Ռ.Նազարյանը՝ հավելելով, որ այդ պատժամիջոցներն են նախազգուշացումը, ֆինանսական պատժամիջոցը, լիցենզիայի կասեցումը, լիցենզիայից զրկումը։

–Արդեն 6 ամիս է՝ ՀԷՑ–ը, հակասության մեջ մտնելով մեր կարգավորվող իրավական ակտերի հետ, հրաման է ստորագրել, և ցանցի նոր միացումների կարգերն արհամարհելով՝ մեր տնտեսավարող սուբյեկտներից և բաժանորդներից պահանջում է ամբողջ նախագծա–նախահաշվարկային արժեքի 100 տոկոս կանխավճար կատարել, որ նոր միացնի։ Մենք հիմա վարչական վարույթ ենք իրականացնում, շուտով պատժամիջոցների մասին կլսեք։ Արդեն 14 դեպք ունենք։ Չի՛ ենթարկվում. ի՞նչ պետք է անենք։ Ուրեմն դա կդիտարկենք որպես լիցենզիայի պայմանների խախտում, չի բացառվում՝ նաև լիցենզիայի կասեցում իրականացնենք, տանք ժամանակ, որպեսզի ինքն այդ թերությունները վերացնի, թե չէ՝ նաև զրկենք լիցենզիայից,–հայտարարել է ՀԾԿՀ նախագահը։

7or.am

Այս խորագրի վերջին նյութերը