Լրահոս

Հեյդար Ջեմալ. «Վրաստանը Ադրբեջանում պետական հեղաշրջում է ծրագրում»

28.04.2011 17:18

Տվյալներ կան, որ Վրաստանում ծրագիր է մշակվում պետական հեղաշրջում իրականացնել Ադրբեջանում, և այդ ծրագրի պատասխանատվությունը դրված է Վրաստանի անվտանգության խորհրդի անդամ Գիգու Բոկերիայի վրա։ Ադրբեջանի տարածքում վրացական դեսպանատանն է գտնվում այդ գործողությունների իրականացման կենտրոնը, իսկ այդ ամենի պատասխանատվությունը դրված է Բաքվի դեսպանատան աշխատակից մի ամերիկուհու վրա, որը վրացերեն շատ լավ գիտի։ Նա գտնվում է շտաբում և իր պարտականությունն է կապի մեջ լինել ադրբեջանական ընդդիմության հետ։ Որքանով ես եմ տեղյակ, կտրուկ գործողությունները, այն է՝ ադրբեջանական ընդդիմության կողմից կառավարության հրաժարականի պահանջը, հնչելու է մայիսի 28–ին, իսկ մայիսի 29–ին էլ Լոնդոնում Ադրբեջանին նվիրված խորհրդաժողով է տեղի ունենալու, որի ժամանակ ելույթ է ունենալու Հիլարի Քլինթնոնն ու գնահտականներ է տալու Ադրբեջանում իրավիճակի, ընդդիմության գործունեության, կառավարության և այլնի մասին։ Այս տարվա մարտին Գիգու Բոկերիան և մի շարք այլ դեմքեր ժամանել են Ադրբեջան և կառավարությունից պահանջել Վրաստանի հետ ռազմաքաղաքական դաշինք կնքել, որի հիմնական նպատակը Ռուսասատանին հակազդելն է։