Մարտի 27-ին, ժամը 01.58-ին ոստիկանությունից տեղեկություն է ստացվել, որ Իջևան-Նոյեմբերյան ավտոճանապարհի 10-րդ կմ-ում տեղի է ունեցել ավտոպատահար, կան տուժածներ և անհրաժեշտ է փրկարարների օգնությունը:

Չնայած որ ուսումնական հաստատություններում կոռուպցիան բացառելու նպատակով նախարարության կողմից մշտապես իրականացվել են նպատակաուղղված միջոցառումներ, այնուամենայնիվ, դրանք բավարար չեն եղել կրթության ոլորտում կոռուպցիոն, ինչպես նաև դպրոցներում դրամահավաքության դեպքերը կանխելու և բացառելու համար:

Այսօր մամուլում հրապարակվել է ոչ պաշտոնական տեղեկություն, որ ՀՀ արտգործնախարարության շենքը վաճառվել է 400 մլն դոլարով։ Գնորդն էլ հյուրանոցային բիզնեսով զբաղվող արտասահմանյան ընկերություն է: Նշվում է նաև, որ ԱԳՆ-ն կտեղափոխվի արդարադատության նախարարության նախկին շենք: «7օր»–ը փորձել է այս տեղեկությունը ճշտել ՀՀ արտգործնախարարությունից։ Այնտեղից, սակայն, առաջարկել են զանգահարել ՀՀ պետական գույքի կառավարման վարչություն...

Այժմ բենզալցակայանների մեծամասնությունում «Ռեգուլյարի» մեկ լիտրը վաճառվում է 480 դրամով, «Պրեմիումինը»՝ 500, իսկ «Սուպերինը»՝ 530։ Դիզվառելիքը թանկացել է 10 դրամով՝ 460–ից հասելով 470–ի։

BMW ընկերությունը ամբողջ աշխարհով 1,3 մլն մեքենա է ետ կանչում մարտկոցի հետ կապված հնարավոր խնդիրների պատճառով, որոնք առանձին դեպքերում կարող են հանգեցնել հրդեհի։

Մարտի 27-ին ամբողջ աշխարհում նշվում է թատրոնի միջազգային օրը: Տոնը սկսել են նշել 1961 թվականից, երբ ՅՈՒՆԵՍԿՕ-ի Միջազգային թատրոնի ինստիտուտը մարտի 27-ը հռչակեց թատրոնի միջազգային օր:

«ՀՀԿ-ական պաշտոնատար անձինք զանգվածային ձևով իրենց ծառայողական դիրքն օգտագործում են հօգուտ կուսակցական շահերի՝ ՀՀԿ-ական Վարչապետի գլխավորությամբ։ Բանը հասել է նրան, որ ՀՀ Նախագահի պաշտոնական կայքը վերածվել է ՀՀԿ-ական քարոզչության աղբյուր»։

Այսօր՝ մարտի 27–ին կկայանա Չեմպիոնների լիգայի ¼ եզրափակիչի առաջին հանդիպումը։ Հանդիպում են պորտուգալական «Բենֆիկան» և անգլիական «Չելսին»։ Խաղը տեղի կունենա «Էշտադիու դու Բենֆիկա» մարզադաշտում՝ Երևանի ժամանակով ժամը 22.45–ին։ Միաժամանակ տեղի կունենա «ԱՊՕԵԼ» – «Ռեալ» Մադրիդ հանդիպումը «ԳՍՊ» մարզադաշտում։

Այսօր Հարավային Կորեայի Հանրապետությունում մեկնարկում է Միջուկային անվտանգության երկրորդ գագաթաժողովը, որի շրջանակներում Սեուլ են ժամանել 53 երկրի և միջազգային կազմակերպությունների ղեկավարներ:

Մոհամեդ Բենալել Մերան, Թուլուզում մի շարք սպանություններ կատարած ահաբեկիչ Մոհամեդ Մերայի հայրը հայտարարել է, որ դատական հայտ է ներկայացնելու Ֆրանսիայի կառավարության դեմ։

Նախորդ նիստը սկսվելուն պես հետաձգվել էր՝ Մարգար Օհանյանի փաստաբան Մկրտիչ Վասակյանի վատառողջության պատճառով։

ՄԱԿ–ը տեղեկություններ է ստացել, որ Սիրիայի ազատ բանակի գրոհայինները անչափահասներին օգտագործում են որպես զինվոր։

«Ջորջ Բուշ կրտսերի օրոք ծրագրված` Լեհաստանում և Չեխիայում ՀՀՊ համակարգի երրորդ դիրքային շրջանի ստեղծման նախագծերից հրաժարվելու ամերիկյան կառավարության որոշումն ԱՄՆ-ին ենթարկում է մեծ վտանգի»,–հայտարարել է Ռոմնին։

ՀՀ ԱԻ նախարարությունը տեղեկացնում է, որ մարտի 27-ի, ժամը 09.00-ի դրությամբ ՀՀ տարածքում միջպետական ավտոճանապարհներն ու լեռնանցքները հիմնականում անցանելի են:

Նիստին մասնակցել են ԱՊՀ Գործադիր կոմիտեի նախագահի տեղակալ‑գործադիր քարտուղարի տեղակալ Տոկտասին Բուզուբաևը, ԱՊՀ անդամ երկրների սպորտի բնագավառի պատասխանատու նախարարներ, Հայաստանի մարզական կազմակերպությունների ներկայացուցիչներ:

ՀՀ ֆինանսների նախարարության «Թանկարժեք մետաղների և թանկարժեք քարերի պետական գանձարան» գործակալության կողմից 26.03.2012-01.04.2012թթ-ի համար սահմանվել են թանկարժեք մետաղների մեկ գրամ քիմիապես մաքուր մետաղի (պետական ստանդարտ ձուլակտորի համար) պետական գնման և բացթողնման հետևյալ գները` արտահայտված ՀՀ դրամով`

Իսրայելի Արտգործնախարարությունը հայտարարել է, որ խզում է գործնական հարաբերությունները ՄԱԿ–ի՝ Մարդու իրավունքների խորհրդի հետ։ Որոշումը, որը հնչեցրել է ԱԳՆ ներկայացուցիչ Իգալ Փալմորը, նշանակում է, որ Խորհրդի հանձնաժողովի մուտքը Իսրայել և օկուպացված պաղեստինական տարածքներ կարգելվի։

Իրանի ատոմային էներգետիկայի կազմակերպության նախագահ Ֆերեյդուն Աբբասի-Դավանին հայտնել է, որ Իրանը պատրաստ է շարունակել իր համագործակցությունը Ռուսաստանի հետ և, բացի «Բուշեր» ատոմակայանից, կառուցել ևս մի շարք ատոմակայաններ: