Ցյուրիխի գլխավոր դատախազ Քրիստին Բրաունշվեյգը հայտնել է, որ Էգեմեն Բաղըշը հետապնդվում է Շվեյցարիայի քրեական օրենսգրքի 261-րդ հոդվածով։

Համաձայն ՊԲ օպերատիվ տվյալների, անցած շաբաթվա ընթացքում ղարաբաղա-ադրբեջանական հակամարտզորքերի շփման գծում հակառակորդի կողմից արձանագրվել է հրադադարի պահպանման ռեժիմի ավելի քան 250 խախտում, որի ընթացքում, տարբեր տրամաչափի հրաձգային զինատեսակներից, հայկական դիրքապահների ուղղությամբ արձակվել է շուրջ 1500 կրակոց:

Մարտի 24-ին, կյանքի 62-րդ տարում վախճանվել է հայ անվանի հրաձիգ Զինաիդա Սիմոնյանը: Նա ԽՍՀՄ բազմակի չեմպիոն էր (1966-1985թթ.), Եվրոպայի 15-ակի չեմպիոն (1973-1983թթ.), Եվրոպայի եռակի բացարձակ չեմպիոն (1975թ., 1976թ., 1979թ.), աշխարհի քառակի չեմպիոն (1974-1981թթ.): ԽՍՀՄ սպորտի վաստակավոր վարպետ (1975թ.): 1996թ. աշխատում էր ՀՀ կրթության և գիտության նախարարության հրաձգության հանրապետական մասնագիտացված մարզադպրոցում: 2008 թվականից մարզադպրոցի տնօրենն էր:

Թուրքական «Միլիյեթ«–ը գրում է, որ Հայաստանից աշխատանք գտնելու նպատակով 4 տարի առաջ Թուրքիա մեկնած 21-ամյա Նարինե Մկրտչյանը, ենթարկվելով սպառնալիքների, ինքնասպանություն է գործել: Նարինեն աշխատել է Ստամբուլի արծաթի արհեստանոցներից՝ ապրելով խորթ հոր և եղբոր հետ։

Այսօր ԱԺ պատգամավոր, ՀՀԿ խմբակցության անդամ գագիկ մինասյանը անդրադարձել է նախընտրական զարգացումներին։ Գագիկ Մինասյանը խոսել է «Հայաստանի եվրոպացի բարեկամներ» կազմակերպության հարցմանը, որով ՀՀԿ–ն շատ բարձր վարկանիշ ունի։ Մինասյանը ընդգծել է, որ այդ վարկանիշը էլ ավելի բարձր է լինելու, երբ դրան գումարվի ՀՀԿ նախագահ Սերժ Սարգսյանի վարկանիշը։

Մարտի 23-ին, ժամը 14.50-ին ահազանգ է ստացվել, որ Երևանի Զորավար Անդրանիկի փողոցում («Կայզեր» սուպերմարկետի մոտակայքում) տեղի է ունեցել ավտոպատահար, կան տուժածներ և անհրաժեշտ է փրկարարների օգնությունը:

Այս անգամ նրա ելույթը կլինի «Տեխնոլոգիան եւ տիեզերք. սիմբիոտիկ հարաբերություններ» թեմայի շուրջ:

2011 թվականի դեկտեմբերի 8-ին ՀՀ Ազգային ժողովի կողմից ընդունվել է «Ճանապարհային երթևեկության անվտանգության ապահովման մասին Հայաստանի Հանրապետության օրենքում փոփոխություններ կատարելու մասին» ՀՀ օրենքը, համաձայն որի՝ գործողության ժամկետի նշում չունեցող վարորդական վկայականների գործողության ժամկետը երկարացվել է 6 ամսով` մինչև 2012 թվականի հունիսի 30-ը:
Ավելորդ հերթերից խուսափելու և պատշաճ որակի ծառայություն մատուցելու նկատառումներից ելնելով` ճանապարհային ոստիկանությունը խնդրում է քաղաքացիներին վարորդական վկայականների փոխանակումը չթողնել ժամկետը լրանալու վերջին օրերին:

Մարտի 24-ից Չինաստանի մայրաքաղաք Պեկինից ներկրված 249 ավտոբուսներից 80-ը սպասարկելու է Երևանի բնակիչներին:

Երաշտը, ջրհեղեղները, խմելու ջրի պաշարների նվազումը հաջորդ 10 տարիներին կարող են դառնալ աշխարհում անկայունության և հակամարտությունների պատճառ։ Այդ մասին ասված է ԱՄՆ հետախուզական ծառայության հրապարակած զեկույցում։

ՀՀ ազգային անվտանգության խորհրդի քարտուղարի նախկին մամուլի խոսնակ Հարություն Ամիրյանն այժմ «Օրիանց երկիր» կուսակցության նոր մամուլի խոսնակն է:

ՀՀ կենտրոնական ընտրական հանձնաժողովը տեղեկացնում է, որ քաղաքացի Հակոբ Հակոբյանի կողմից ներկայացված դիմումի քննարկումը տեղի կունենա 2012թ. մարտի 24-ին։ Ըստ մամուլի հրապարակումների՝ թիվ 19 ընտրատարածքում մեծամասնական ընտրակարգով ինքնաառաջադրված ՀՀԿ-ական Հակոբ Հակոբյանի(Ճոյտ) կողմից նույն ընտրատարածքում ՀՀԿ-ի կողմից պաշտոնապես առաջադրված գեներալ Սեդրակ Սարոյանի դեմ ներկայացված դիմումի պատճառը՝ Սարոյանի բիզնեսն է Ուկրաինայում և Ռուսաստանում։

Վրաստանն այս տարվա մայիսի 1-ից կդառնա Միջազգային բեռնափոխադրումների միջկառավարական կազմակերպության(OTIF) անդամ։ Կազմակերպությունը ստեղծվել է 1980թ.։ Այն ապահովում է միջազգային բեռնափոխադրումների նորմատիվային միասնական համակարգի մշակումը։ OTIF–ի անդամներ են Ֆրանսիան, Գերմանիան, Շվեյցարիան, դանիան, Նորվեգիան, Թուրքիան, Բելգիան և այլ երկրներ։

ՆԱՏՕ–ի գլխավոր քարտուղար Անդերս Ֆոգ Ռասմուսենը հայտարարել է, որ ՆԱՏՕ–ն չի ներգրավվելու սիրիական հակամարտության մեջ։

Այս տարվա հունվար–փետրվարին Հայաստանից՝ բոլոր տրանսպորտային միջոցներով մեկնածների թիվը ժամանողներից ավելի է 17500–ով։ Անցած տարվա նույն ժամանակահատվածում բացասական սալդոն կազմել է 12 հազար։ Այսինքն այս տարի այդ թիվը աճել է 5500–ով։ 2010–ի առաջին երկու ամիսներին մեկնողների թիվը ավելի է եղել ժամանողներից 9090–ով, 2009–ին՝ 7900–ով։ Ստացվում է, որ մեկնող–չվերադարձողների թիվը վերջին 4 տարիների ընթացքում անդադար շարունակում է աճել։

1882 թվականի մարտի 24-ին Ռոբերտ Կոխը հայտնաբերել է տուբերկուլոզի հարուցիչը: 100 տարի անց, 1982 թվականից ողջ աշխարհում յուրաքանչյուր տարի մարտի 24-ը նշվում է որպես Տուբերկուլոզի դեմ պայքարի համաշխարհային օր, որի հիմնական նպատակն է առավել համախմբված և արդյունավետ դարձնել տուբերկուլոզի դեմ պայքարը:

ՀՀ ԱԻ նախարարությունը տեղեկացնում է, որ մարտի 24-ի, ժամը 08.00-ի դրությամբ ՀՀ տարածքում միջպետական ավտոճանապարհներն ու լեռնանցքները հիմնականում անցանելի են:

Ճանապարհային ոստիկանությունը հիշեցնում է, որ «Ավտոտրանսպորտային միջոցների օգտագործումից բխող պատասխանատվության պարտադիր ապահովագրության մասին» և «Ճանապարհային երթևեկության անվտանգության ապահովման մասին»...