Դեկտեմբերի 31-ի ուշ երեկոյան Իջևանի տարածաշրջանի զորամասերից մեկի անցագրային կետի մերձակայքում N զորամասի հրամանատար, գնդապետ Սերգեյ Կարապետյանի և Տավուշի մարզի որոշ քաղաքացիների միջև վիճաբանություն և ծեծկռտուք էր տեղի ունեցել, որի հետևանքով ծանր մարմնական վնասվածքներ ստացած Տարոն Ենգիբարյանը տեղափոխվել էր հիվանդանոց։ Փաստի առիթով քրեական գործ էր հարուցվել։ Այսօր 20-ամյա Տարոն Ենգիբարյանը հիվանդանոցում մահացել է:

«Ֆեյսբուք»-ի հիմնադիր Մարկ Ցուկերբերգը հայտարարել է, որ կայքը մարտին փակվելու է. դրա ղեկավարումը շատ սթրեսային է դարձել։ -«Ֆեյսբուք»-ը դուրս է եկել վերահսկողությունից,-մամուլի ասուլիսի ժամանակ ասել է Ցուկերբերգը,-և այդ ընկերության ղեկավարումը տակնուվրա է արել իմ կյանքը։ Ես պետք է վերջ դնեմ այդ խելագարությանը։ Ցուկերբերգը նշել է, որ սկսած մարտի 15-ից՝ օգտվողներն այլևս չեն կարող մուտք գործել «Ֆեյսբուք»-ի իրենց էջ։ Նա նաև հայտնել է, որ կայքը փակելու մասին որոշումը դժվարին էր, սակայն ինքը չի կարծում, թե մարդիկ կտխրեն։

«Ռուսաստանը «Նաբուկո» գազամուղով ոչինչ չի մատակարարելու։ Իրանական հանքերն առայժմ չեն ուսումնասիրվել, իսկ Ադրբեջանի հումքային ծավալները փոքր են։ Ավելին՝ Ադրբեջանը մատակարարման պայմանագիր է ստորագրել Ռուսաստանի հետ»,-հայտարարել է ՌԴ վարչապետը։ Նշենք, որ «Նաբուկոյի» շինարարությունը նախատեսված է սկսել 2012թ.-ին։ Նախագծի իրականացումը կարժենա 7,9 մլրդ եվրո։ Գազամուղի առավելագույն հզորությունը կկազմի 31 մլրդ խորհանարդ մետր։