«Ալիևը լկտիացավ, և մի շարք միջազգային կազմակերպություններում պրոադրբեջանական ձևակերպումենր հայտնվեցին։ Այսինքն, եթե Ադրբեջանի նախագահն իրեն մի քիչ զուսպ պահեր, չխառնվեր, ու հայ-թրքական սահմանը բացվեր, ես կարծում եմ, որ Հայաստանի այս խայտառակ արտաքին քաղաքականությունը կարող էր հանգեցնել մեզ համար շատ վտանգավոր բաների։ Ուղղակի Ալիևի այդ լկտիությունը, կոպիտ ասած, մեզ փրկեց»։

-Ես հանդիպում եմ ունեցել Հայաստանի նախագահ Սերժ Սարգսյանի հետ,- «Anadolu» գործակալության փոխանցմամբ Աստանայում թուրք լրագրողների հետ հանդիպման ժամանակ ասել է Թուրքիայի նախագահ Աբդուլլահ Գյուլը: Հայ-թուրքական հարաբերություններին անդրադառնալով՝ նա հայտարարել է. «Ոչինչ էլ չի մահացել։ Մենք վճռական ենք։ Դժվար խնդիրները մեկ քայլով չեն լուծվում։ Անհրաժեշտ է համառորեն աշխատել։ Մենք էլ աշխատում ենք»։

Համաձայն մինչև ԵԱՀԿ գագաթնաժողովի նստաշրջանը տարածված տեղեկատվության՝ Աստանայում ընթացող գագաթնաժողովի երկրորդ օրը ելույթ կունենան Ալժիրից, Մոնղոլիայից, Աֆղանստանից, Ավստրալիայից, Իսրայելից, Կորեայից, Թունիսից, Եգիպտոսից, Ճապոնիայից, Թայլանդից, Մարոկկոյից և Հորդանանից ԵԱՀԿ-ի հետ համագործակցող պատվիրակությունների ղեկավարները։ Ելույթ կունենա նաև ՀՀ նախագահ Սերժ Սարգսյանը։ Աստանայում ԵԱՀԿ գագաթնաժողովն ընթանում է 11 տարվա ընդմիջումից հետո։