Ամանորի նախաշեմին սպառողական ապրանքների համատարած թանկացումների ֆոնի վրա Գյումրիում հավի ձվի մեկ հատի շուկայական գինը տատանվում է 100-150 դրամի սահմաններում, այն էլ այն դեպքում, եթե հնարավոր լինի խանութներում և շուկայում հավկիթ գտնել: Այս ամենը՝ չնայած այն հանգամանքին, որ գյուղնախարար Գերասիմ Ալավերդյանը հրապարակայնորեն հայտարարում էր, թե Ամանորի շեմին հավկիթի պակասորդ չի լինի, իսկ գինն էլ կտրուկ չի աճի:

«Մենք ցանկանում ենք ԼՂ-ի հարցը լուծել բանակցությունների միջոցով։ Բայց, ինչպես տեսնում եք, դա դեռ հնարավոր չէ։ Այդ իսկ պատճառով, իհարկե, մենք պետք է պատրաստ լինենք նաև մյուս բոլոր տարբերակներին։ Բանակաշինությանը հատկացվող գումարները, ձեռնարկվող միջոցառումները, նոր զինատեսակներ ձեռք բերելը նրա համար են, որ եթե բանակցություններն ապարդյուն անցնեն, մեր հողերը հետ վերցնենք ռազմական ճանապարհով»,–հայտարարել է Իլհամ Ալիևը։

Ըստ ՀՀ տարածքային կառավարման նախարարության Միգրացիոն պետական ծառայության տվյալների՝ 2010 թ. հունվար-նոյեմբեր ամիսներին միգրացիայի բացասական սալդոն (հանրապետությունից մեկնածների թվի գերազանցումը հանրապետություն ժամանածների թվին) նախորդ տարվա նույն ժամանակահատվածի համեմատ ավելացել է 7,7 հազարով կամ 19,8 %-ով և կազմել է -46,3 հազար մարդ, իսկ ՀՀ քաղաքացիների մասով' -55,2 հազար մարդ: