«Նրանք արդեն փորում են ու հանելով այդ քարերը՝ հետազոտում՝ կա՞ արդյոք ուրան, թե՞ ոչ, և անընդահտ ջուր են լցնում, որովհետև առանց ջրի հնարավոր չէ այդ գործողությունն իրականացնել։ Իսկ ո՞ւր է գնում այդ ջուրը։ Հարցն այս է։ Հիշեցնենք, որ մինչ այդ աշխատանքները, ՀՀ էներգետիկայի և բնական պաշարների նախարարությունը պնդում էր, թե որոնողական բոլոր աշխատանքներն անվտանգ են, քանի որ նմուշները վերցվելու են 15 սմ-ից ոչ ավելի խորությունից, սակայն այսօր ակնհայտ երևում է, որ այդպես չէ»։

«Այսօր՝ դեկտեմբերի 6-ին կսկսվի Ազգային ժողովի հերթական քառօրյան, որի օրակարգում է «Լեզվի և Հանրակրթության» մասին օրենքներում փոփոխությունների օրինագիծը: Այդ օրինագծով նախատեսվում է բացել օտարալեզու դպրոցներ, ինչը լրջորեն կվտանգի հայոց լեզուն և անկախ պետականությունը: «Մենք դեմ ենք օտարալեզու դպրոցների վերաբացմանը» նախաձեռնող խումբն այդ կապակցությամբ կազմակերպում է բողոքի ցույց...»:

«Ամերիկացի դիվանագետների անլուրջ նամակագրությունը ինտերնետի միջոցով տարածում է բանբասանքներ, անհիմն դատողություններ և բանսարկություններ»,-ասել է Թուրքիայի վարչապետ Ռեջեփ Թայիփ Էրդողանը: Նրա կարծիքով, ամերիկացի պաշտոնյաների գաղտնի նամակագրության հրապարակումը, «հատուկ քարոզչությունն է», որն է ուղղված է ԱՄՆ-ի և նրա գործընկերների հարաբերությունները վատթարացնելուն: