«Հակառակ սեփական հայտարարություններին, ԱԺ Կրթության, գիտության, մշակույթի, երիտասարդության և սպորտի հարցերով հանձնաժողովի նիստում քննարկման է դրվելու նաև «Լեզվի մասին» օրենքում փոփոխություններ կատարելու Կառավարության ներկայացրած օրինագիծը: Սա ոչ այլ ինչ է, քան հասարակությանը մոլորեցնելու, վերջինիս հանդեպ բացահայտ արհամարհանքի, ստի, կեղծիքի աննախադեպ դրսևորում...»։

ՀՀՇ վարչության անդամ. «Եթե այսօր հասարակությունը չի կարող հանդուրժել, դա չի նշանակում՝ հենց ՀԱԿ-ին պետք է ընտրի։ Եթե այդ համակարգը ստեղծվի, ես համոզված եմ, որ 3-րդ ուժն էլ հնարավորություն կունենա ի հայտ գալու։ Բայց քանի որ այդ համակարգը չկա, հին իներցիայով քաղաքական ընդդիմադիր ուժը համարվում է ՀՀՇ-ն։ Ես չեմ բացառում, որ ՀՀՇ-ն իր դերը խաղացել է և պետք է անցնի պատմություն, բայց դա միայն այն ժամանակ կլիներ, եթե քաղաքական դրդապատճառներ լինեին...»։

«Քվիրիս պալիտրա» շաբաթաթերթի անցկացրած հարցման արդյունքներով Հիլարի Քլինթոնը համարվել է Վրաստանի նկատմամբ ամենաբարյացկամ տրամադրված արտասահմանյան առաջնորդը։ Երկրորդ և երրորդ տեղերը զբաղեցրել են Ադրբեջանի նախագահը և ՆԱՏՕ-ի գլխավոր քարտուղարը։ Վերջին երեք հորիզոնականում են Գերմանիայի կանցլեր Անգելա Մերկելը, Ուկրաինայի նախագահ Վիկտոր Յանուկովիչը և ՀՀ նախագահ Սերժ Սարգսյանը (1,89)։