ԱԱԾ մամլո պատասխանատու Արծվին Բաղրամյանը «7օր»-ի հետ զրույցում հաստատել է այն տեղեկատվությունը, թե «Հզոր Թուրքիա» կուսակցության առաջնորդները հրավիրվել է ՀՀ Ազգային անվտանգության ծառայություն։ Նշենք, որ այսօր հրավիրված մամլո ասուլիսի ընթացքում նրանք հայտարարել էին, թե իրենք օրեր առաջ հատել են հայ-թուրքական սահմանը. -Քանի որ նրանք ասուլիսում նման հայտարարություն են արել, ապա պարզաբանումների համար հրավիրվել են ԱԱԾ,-ասել է Արծվին Բաղրամյանը։

Թրքական լրատվամիջոցները հաղորդագրություն են տարածել, թե Երևանում գտնվող «Հզոր Թուրքիա» կուսակցության նախագահ Թունա Բեքլևիչին ձերբակալել են։ Վերջինս և կուսակցության փոխնախագահն այսօր մամլո ասուլիս էին հրավիրել, որտեղ հաստատել էին, թե իրենք իսկապես հատել են հայ-թրքական սահմանը։ ՀՀ Ազգային անվտանգության ծառայության ղեկավար Արծվին Բաղրամյանը «7օր»–ին ասել է, թե տեղեկություններ չունի, և դրանք լինելու դեպքում անպայման կհաղորդի։

–Բայց ինչպե՞ս ռուս սահմանապահները չեն կրակել ոտքին։ Գիտեք, չէ՞, կաննոները՝ սկզբից ասում են՝ կանգնի՛ր, կկրակե՛մ, հետո կրակում են,–ասել է Վ. Հովհաննիսյանը՝ հավելելով, որ իբրև թե հայ-թրքական սահմանը հատած «Հզոր Թուրքիա» կուսակցության առաջնորդը եթե հիմա Հայաստանում է ու ձերբակալված չէ, ուրեմն եկել է կա՛մ Վրաստանով, կա՛մ որևէ այլ երկրի տարածքով։