ՀՀ պաշտպանության նախարարությունը տեղեկացնում է, որ ի կատարումն 2010թ. հոկտեմբերի 27-ին Աստրախանում Հայաստանի, Ադրբեջանի և Ռուսաստանի նախագահների հանդիպման ժամանակ ձեռքբերված պայմանավորվածության, ս.թ. նոյեմբերի 4-ին հայ-ադրբեջանական շփման գոտում' Իջևան-Ղազախ ճանապարհի հատվածում, ադրբեջանական կողմին է հանձնվելու 2010թ. ՀՀ սահմանն ապօրինի հատած և այժմ Հայաստանի Հանրապետությունում գտնվող Ադրբեջանի Հանրապետության քաղաքացին:

Այսօր մամուլի ասուլիսում ՀԱԿ ներկայացուցիչ Դավիթ Շահնազարյանն ասել է, թե իրենք գնում են արտահերթ նախագահական ընտրությունների։ «Շրջանցելով խորհրդարանակա՞նը»,-հետաքրքրվել է լրագրողը, որին ի պատասխան' Շահնազարյանը ժպտացել է, ու ասուլիսն ավարտվել է։ Մեկ այլ մամուլի ակումբում նախկին ԱԳ նախարար Ալիկ Արզումանյանն էլ ասել է, թե երբ խոսվում է արտահերթ ընտրությունների մասին, խոսքը, բնականաբար, արտահերթ խորհրդարանական ընտրությունների մասին չէ...Հիշեցնենք, որ բավական երկար ժամանակ ՀԱԿ ներկայացուցիչները շեշտում էին խորհրդարանական արտահերթ ընտրությունների անխուսափելիության մասին։