Ադրբեջանի և Հայաստանի միջև ռազմագերիների ու զոհվածների դիակների փոխանակման վերաբերյալ հռչակագրի ստորագրումից հետո Կարմիր խաչի միջազգային կոմիտեն առայժմ ոչ մի դիմում չի ստացել։ Կարմիր խաչի միջազգային կոմիտեն իրականացնում է միջնորդական առաքելություն և հակամարտող կողմերի առաջարկների մասին է հաղորդում։ Ներկայումս Հայաստանի և Ադրբեջանի միջև որոշվում է 8 ռազմագերիներին, 6 գերի քաղաքացիական անձանց ու երեք զոհվածներին վերադարձնելու հարցը։

ԱԱԾ մամլո պատասխանատու Արծվին Բաղրամյանը «7օր»-ի հետ զրույցում հաստատել է այն տեղեկատվությունը, թե «Հզոր Թուրքիա» կուսակցության առաջնորդները հրավիրվել է ՀՀ Ազգային անվտանգության ծառայություն։ Նշենք, որ այսօր հրավիրված մամլո ասուլիսի ընթացքում նրանք հայտարարել էին, թե իրենք օրեր առաջ հատել են հայ-թուրքական սահմանը. -Քանի որ նրանք ասուլիսում նման հայտարարություն են արել, ապա պարզաբանումների համար հրավիրվել են ԱԱԾ,-ասել է Արծվին Բաղրամյանը։

Թրքական լրատվամիջոցները հաղորդագրություն են տարածել, թե Երևանում գտնվող «Հզոր Թուրքիա» կուսակցության նախագահ Թունա Բեքլևիչին ձերբակալել են։ Վերջինս և կուսակցության փոխնախագահն այսօր մամլո ասուլիս էին հրավիրել, որտեղ հաստատել էին, թե իրենք իսկապես հատել են հայ-թրքական սահմանը։ ՀՀ Ազգային անվտանգության ծառայության ղեկավար Արծվին Բաղրամյանը «7օր»–ին ասել է, թե տեղեկություններ չունի, և դրանք լինելու դեպքում անպայման կհաղորդի։