«The Washington Post»-ում հոդված է հրապարակվել, որտեղ անդրադարձ է եղել Ադրբեջանում ԱՄՆ դեսպանի թեկնածությունն արգելափակելու երկու սենատորներ՝ Ռոբերտ Մենենդեսի և Բարբարա Բոքսերի որոշմանը։ Պարբերականը գրում է, որ երկու սենատորները վայելում են ՀՅԴ Հայ դատի Ամերիկայի հանձնախմբի աջակցությունը, որի գործունեությունը խոչընդոտում է դեսպանի նշանակման գործընթացը։ Այնինչ, Մեթյու Բրայզայի՝ դեսպան նշանակվելուն սատարում են թե՛ Ադրբեջանի, թե՛ Հայաստանի կառավարությունները։

Թուրքիայում շարունակվող ծանրամարտի աշխարհի առաջնությունում այսօր ասպարեզ են դուրս եկել 85կգ քաշային ծանրորդները: Այս քաշային կարգում Հայաստանը 2 ներկայացուցիչ ունի, որոնցից Արա Խաչատրյանը հաղթանակ տարավ պոկում վարժությունում՝ գլխավերևում պահելով 175կգ: Իսկ մյուս ծանրորդը՝ Տիգրան Վ. Մարտիրոսյանը, ձախողելով 3 մոտեցումները, ստացավ 0 միավոր: Այսպիսով, հայ ծանրորդ Արա Խաչատրյանը 85կգ քաշային կարգում դառնում է փոքր ոսկե մեդալակիր։