«Օրինակ՝ ՀՀԿ–ն կարող է շատ հեշտությամբ հրահանգ տալ, և ՀՀԿ–ի անդամները մտնեն, սկսեն «լայք» անել։ Մյուս տարբերակը լայքերի առքուվաճառքն է։ Այսինքն՝ կեղծ օգտատերերի մեծ թիվ կա, որոնք վաճառվում են։ Հազար «լայքն» ինչ–որ թիվ արժե։ Մարդիկ էլ առնում են»։

«Ինձ, որպես քաղաքացու, պետք է ունենալ թափանցիկ ու հաշվետու քաղաքապետարան, այլ ոչ թե սիրո օբյեկտ: Մյուս կողմից՝ նույնիսկ այդ փչոցին կհավատայի, եթե հասկանայի, թե հանուն ինչի պետք է սիրեն Տարոնին: Այն բանի համար, որ անհայտ եղանակով դարձել է միլիոնատե՞ր: Դե թող դրա ձևը մեզ էլ ասի, լա՞վ»

«Հատկապես Ավանում մարդիկ ինձ հետ անմիջական շփման մեջ չեն մտնում, սակայն նրանց դեմքերին նայելով՝ տեսնում եմ հստակ դիրքորոշում ունեցող քաղաքացիների հայացքներ, որոնք ոչ մի դեպքում չեն պատրաստվում ձայն տալ իշխող հանցագործ ռեժիմին։ Եվ Տարոնը ավելի լավ Երևան ասելով՝ հասկանում է, վախի մեջ պահելով ժողովրդին, սեփական բիզնեսներն ու կարողությունը ծաղկացնել»:

Արամ Հարությունյան. «ՀՀԿ–ն ամեն ինչ փորձում է տանել դեպի Տարոն Մարգարյանը, բայց չէ՞ որ Տարոն Մարգարյանն էլ բնակչության մոտ նույնացվում է իշխանության հետ։ Համոզված եմ, որ եթե քաղաքականացվեն ավագանու ընտրությունները, անգամ Տարոնի հանդեպ դրական տրամադրված մարդիկ այնքան են ատում ՀՀԿ–ին, որ հաստատ Տարոնին ու ՀՀԿ–ին ձայն չեն տա։ Ի վերջո սա կուսակցությունների ընտրություն է»։

«Մեզ միշտ թվում է, որ ոստիկանը պիտի բիրտ լինի, դաժան լինի, բայց ժամանակները փոխվում են։ Կարծում եմ, ավելի ճիշտ է, որ ոստիկաններն ավելի բարեկիրթ լինեն, շատ աղոթքներ իմանան, շատ բանաստեղծություններ»։

«Րաֆֆի Հովհաննիսյանը մեկի հանդեպ ունի իր սիմպատիան, մեկին հավատում է, հարգում է, մյուսին չի հավատում, չի հարգում։ ... Միգուցե դա էլ է Աստծուց։ Հետևություններ արեք։ Ինձ դուր եկավ, երբ միահունչ ամբոխը սկսեց աղոթել։ Այդտեղ համախմբում, միասնություն առաջացավ։ Այդտեղ բարություն առաջացավ։ Այդ կետում, այդ տեղում հաղթեց բարին»։

«Տարոն Մարգարյանը ոչնչով չի տարբերվում Սերժ Սարգսյանից, Տիգրան Սարգսյանից, Վլադիմիր Գասպարյանից, Ռուբեն Հայրապետյանից, Սամվել Ալեքսանյանից կամ թալանչի վարչախմբի որեւէ պաշտոնյայից: Նա իրականում այս կոռումպացված թալանչիական շղթայի մի օղակ է եւ թալանի ու կոռուպցիայի ապահովման բնագավառում բարեխղճորեն կատարում է իր պարտականությունները»։

«Քաղաքական հարթությունից դուրս հնչող ձևակերպումներ արժանանալու են նույնիսկ եռակի ու քառակի հակադարձման, քանի որ մենք երբևէ առաջինը մեզ թույլ չենք տալիս քաղաքական էթիկայից դուրս որևէ գնահատական տալ քաղաքական դաշտի մեր ընդդիմախոսներին»։

Արսեն Համբարձումյան. «Այդ առաջարկությունների մեջ կան կետեր, որոնք նաև ԱԺ–ում քննարկումների ընթացքում մեր ներկայացրած առաջարկությունների ընդհանուր կոնտեքստի մեջ տեղավորվում են, և, բնականաբար, կարող են նաև ընդունելի լինել։ Բայց ոչ ամբողոջությամբ այն առաջարկությունների փաթեթը, որը Րաֆֆի Հովհաննիսյանը ներկայացրել է»։

«Մի բան հստակ է՝ ԲՀԿ-ն և իշխանությունը ունեն տարբեր պատկերացումներ, տարբեր գնահատականներ իրականության հանդեպ: Մենք տարբեր կերպ ենք գնահատում իրականությունը: Սա է մեխը: Սա շատ լուրջ գաղափարական տարաձայնություն է։ ԲՀԿ-ն գնում է հաղթելու»։

«Ես բառացիորեն ասել եմ՝ Րաֆֆի՛, մինչև անելիքներին անցնելը, ես երկու հարց ունեմ. հարց առաջին՝ դու հաղթե՞լ ես ընտրություններում: Ասաց՝ ոչ: Ասացի՝ բա ի՞նչ է եղել: Ասաց՝ մերոնք ասում են, որ Դուք էլ չեք հաղթել»։

«Եթե հաջողվի քաղաքապետարանը խլել Սերժ Սարգսյանից, ուրեմն իմացեք, որ այսօրվա գերլարված իրավիճակում սա կլինի լրջագույն հաղթանակ ռեժիմի նկատմամբ: Դրա համար անհրաժեշտ է, որ առաջատար քաղաքական ուժերը, որոնք շահագրռված են Ս.Սարգսյանի բռնապետական մենաշնորհային իշխանության վերացմամբ, պետք է համագործակցեն հանուն այդ նպատակի»։

«Ամբողջ խնդիրն այն է, որ պետք էր մեկը, ով կանխավ կտրամադրի գումար, որի դիմաց երեք տարի հետո կստանա մի շենք՝ իբրև հատուցում: Իսկ վճարված գումարը ծախսելուց հետո՝ թեկուզ ջրհեղեղ»։

«Ապրիլի 1-ից գազի թանկացման մասին լուրերը չեն համապատասխանում իրականությանը։ Սահմանված կարգով մոտ մեկ ամիս առաջ, այսինքն՝ արդեն իսկ մենք պետք է հայտ ներկայացնեինք, որ ապրիլի 1–ից փոփոխվեր կամ վերանայվեր գազի գինը»։

«Ադրբեջանի և միջազգային հանրության միջև խորանում է քաղաքակրթական անդունդը»։

«Դասադուլը աշխարհում ընդունված այն միջոցներից մեկն է, որով գիտակից քաղաքացիները`դասերը բոյկոտելու քաղաքացիական անհնազանդության միջոցով իրենց բողքն են արտահայտում երկրում տեղի ունեցող անարդարության վերաբերյալ»։

«Ես վստա՛հ եմ, որ Սերժ Սարգսյանը չի հանդիպի Րաֆֆի Հովհաննիսյանին։ Եթե ընտրական պրոցեսների արդյունքնում տեսնում ենք, որ հաղթող կողմը Սերժ Սարգսյանն է, Րաֆֆի Հովհաննիսյանը պետք է ունենա քաղաքական կամք և շնորհավորի Սերժ Սարգսյանին»։

«Ես կուզեի իմանայի, թե այդ ի՞նչ հրաշք էլիկսիրով է Սերժ Սարգսյանին հաջողվել «վերածնվել», այդ ո՞նց է հաջողեցրել նրա «հոգու մի մասնիկը» հետ դառնալ մահվան ճանապարհից, բայց ավելի շատ կուզեի իմանալ, թե ինչո՛ւ է հետ դարձել այդ ճանապարհից և «վերածնվելով»՝ քանի՛ կյանք է փրկել: Ո՞վ է այդ ցինիկը, որ գրել է նրա ելույթի տեքստը, և որտեղի՞ց Սերժին այդքան անխոհեմություն՝ չթաքցնելու սեփական ցինիզմը»։