ԼՂՀ նախագահական ընտրությունների վերաբերյալ ԵԱՀԿ Մինսկի խմբի հայտարարության մեջ ասվում է, որ համանախագահները գիտակցում են՝ Լեռնային Ղարաբաղի «դե ֆակտո» իշխանությունները նման գործընթացների միջոցով կարիք ունեն իրենց բնակչության հասարակական կյանքը փորձել կազմակերպել ժողովրդավարական սկզբունքների հիման վրա, սակայն դրանք որևէ կերպ չեն կանխորոշում Լեռնային Ղարաբաղի վերջնական իրավական կարգավիճակը...

«ՈւխտԱրարատի». «Սիրիահայության անվտանգության եւ ապագայի խնդրով պատասխանատվություն են կրում բոլոր այն ուժերը, որոնք կամ հրահրել են սիրիական ճգնաժամը, կամ գործուն մասնակցություն ունեն դրանում: Այդ ուժերն են՝ ԱՄՆ-ն, Եվրոմիությունը, Արաբական երկրներից Սաուդյան Արաբիան, Քաթարը…, ապա Թուրքիան եւ այնտեղ տեղակայված սիրիական ընդդիմությունը»։

Հարութ Սասունյան. «Հարկ է նշել, որ ոչ Հայաստանին Տրապիզոնի նավահանգիստի օգտագործման թույլտվությունը և ոչ էլ հուշարձանի կառուցումը չի կարող համարվել Ցեղասպանության փոխհատուցում։ Սրանք պարզապես քայլեր են, որոնք պետք է նախաձեռնեն թուրք պաշտոնյաները ապացուցելու համար իրենց բարի կամեցողությունը...»։

ԵԱՀԿ Մինսկի խմբի ռուսաստանցի առաջին համանախագահ Վլադիմիր Կազմիրովն ընդգծել է, որ ԼՂ–ի հակամարտությունը պատմական համատեքստ ունի՝ Հայոց ցեղասպանություն, 20-րդ դարասկզբին Արցախում բախումներ և այլն, և որ, օրինակ Նախիջևանում ապրող բազմաթիվ հայերի տեղահանել են։

Ստեփանակերտում օդանավակայանի բացման ծրագրի առթիվ ԵԱՀԿ համանախագահները կողմերից հավաստիացումներ են ստացել, որ խնդրին անդրադարձ կկատարվի միայն դիվանագիտական քայլերի տեսքով և հարցը չի քաղաքականացվի, իսկ ադրբեջանական կողմը քաղաքացիական ինքնաթիռների նկատմամբ բռնություն չի կիրառվի։ Այս մասին տեղեկացնում է ԵԱՀԿ-ի պաշտոնական կայքը։

Ռուսաստանի ջավախահայ համայնքը ՀՀ իշխանություններին կոչ է արել պատրաստ գտնվել Ջավախքում բնակվելիք սիրիահայերին ամեն տիպի օգնություն ցուցաբերելուն.«Մենք դիմում ենք Հայաստանի իշխանություններին` խնդրանքով, որ պատրաստ լինեն սիրիահայ փախստականների հարկադիր տարհանմանը և Ջավախքում տեղավորվելուն: Խնդրում ենք նաև նախապես փնտրել հնարավորություններ` վրացական իշխանությունների հետ հնարավոր խնդիրներից խուսափելու համար...»։

ՌԴ նախագահ Վլադիմիր Պուտինի հրավերով, հուլիսի 18-ին Թուրքիայի վարչապետ Ռեջեփ Թայիփ Էրդողանը պաշտոնական այցով կժամանի Մոսկվա։ «Բանակցությունների ընթացքում նախատեսված են երկկողմ հարաբերությունների խորացմանն առընչվող հարցերի լայն շրջանակի քննարկում»,–հայտնում են Կրեմլի լրատվական ծառայությունից։ «Ինտերֆաքս»–ի հաղորդմամբ՝ Պուտին–Էրդողան հանդիպման ընթացքում քննարկվելու են նաև աշխարհաքաղաքական և տարածաշրջանային հարցեր։

Այս տարվա հունիսին ԱՄՆ-ի Ազգային ժողովրդավարական ինստիտուտի (NDI) կողմից իրականացված սոցհարցման տվյալների համզաձայն՝ Վրաստանի բնակչության 69 %-ն իրեն գործազուրկ է համարում։ Հարցվածների 58 %-ը Վրաստանի համար ամենակարևոր հարց է համարել աշխատատեղերի ստեղծումը, 33 %-ը՝ երկրի տարածքային ամբողջականության վերականգնումը, 27%-ը՝ չքավորության խնդրի լուծումը:

ԱՄՆ–ի զինված ուժերի «Ջոն Կ. Սթենիս»հարվածող ատոմային ավիակիրը անսպասելիորեն շարժվում է դեպի Մերձավոր Արևելք։ Ենթադրվում է, որ ավիակրն ուղղությունը բռնել է դեպի Արավիական ծով՝ Իրանի ափերի մոտ։ Հիշեցնենք, որ մարտի 2-ին այդ ավիակիրը վերադարձել էր բազա՝ Վաշինգտոն։

Լրագրողների հետ հանդիպման ժամանակ ռուսաստանցի համանախագահ Իգոր Պոպովը նշել է, որ առաջիկայում չի նախատեսվում Հայաստանի ու Ադրբեջանի նախագահների հանդիպում, սակայն ամառային արձակուրդներից հետո հայ և ադրբեջանցի արտգործնախարարները կրկին կհանդիպեն։

Այս տարվա հունիսին Իրանում օրական միջին արդյունահանումնը ընկել է մինչև 3.2 միլիոն բարել։ Իրանում նման ցածր ցուցանիշ չի գրացվել 1992 թվականից ի վեր։ Ակնկալվում է, որ արդեն հուլիսին նավթի օրական արդյունահանումը Իրանում կնվազի մինչև 1.1-1.3 միլիոն բարել։

Այսօր մեկնարկում է ԵԱՀԿ Մինսկի խմբի համանախագահների տարածաշրջանային հերթական այցը։ Այն այս անգամ սկսվում են Ադրբեջանից։ Բաքվից համանախագահները կմեկնեն Ստեփանակերտ, այնուհետև` Երևան:

Թուրքական լրատվամիջոցների փոխանցմամբ` Թուրքիայի արտգործնախարար Դավութօղլուն ընդգծել է, որ Թուրքիան պատրաստ է Ֆրանսիայի հետ համագործակցության, բայց միայն այն դեպքում, եթե Փարիզը «պատրաստ է պարզություն մտցնել հայկական հարցում»: Ֆրանսիայի ԱԳ նախարար Լորան Ֆաբիուսն իր հերթին մեղադրել է իր նախորդին և նրա կառավարությանը «20-րդ դարի սկզբին Օսմանյան կայսրությունում տեղի ունեցած իրադարձությունների հարցում անիրատեսական մոտեցման» մեջ:

Լեռնային Ղարաբաղի Հանրապետության իշխանությունների հետ ձեռք բերված պայմանավորվածության համաձայն` հուլիսի 11-ին ԵԱՀԿ առաքելությունը Լեռնային Ղարաբաղի և Ադրբեջանի զինված ուժերի շփման գծի պլանային դիտարկում է անցկացնելու Ասկերանի ուղղությամբ:

Ինչպես հաղորդում է «Ինտերֆաքս»–ը, Թուրքիայի ղեկավարությունն այսօր հայտարարել է Սիրիայում վայր գցված իրենց ինքնաթիռի երկու օդաչուների դիակների հայտնաբերման մասին։ Հիշեցնենք, որ հունիսի վերջին Սիրիայում վայր է գցվել Թուրքիայի «F-4» կործանիչը։ Սիրիական կողմը պնդում է, որ այդ ինքնաթիռը խախտել է Սիրիայի օդային սահմանը, մինչդեռ Թուրքիան հակառակ բանում է համոզված։ «Ինքնաթիռային ճգնաժամը» լրջորեն սրեց առանց այդ էլ ոչ այնքան հարթ թուրք–սիրիական հարաբերությունները։

Հարութ Սասունյան. «Այս դատավարությունը հիմնականում վերաբերում է վավեր ապահովագրական պահանջների չվճարմանը և ոչ թե Հայոց ցեղասպանության ճանաչմանը: Գերմանական ապահովագրական ընկերություններն ամոթաբար շահագործում են ցեղասպանության հարցը պարզապես խուսափելու համար ապահովագրական պահանջ ունեցողներին երկար ուշացված ապահովագրավճարները վճարելից»։

ԵԱՀԿ ուսաստանցի համանախագահն ասել է, որ այցի ընթացքում ԼՂ հակամարտության միջնորդները կհանդիպեն Հայաստանի, Արցախի և Ադրբեջանի նախագահների ու ԱԳ նախարարների հետ՝ քննարկելու հունիսի 17-ին Հայաստանի և Ադրբեջանի ԱԳ նախարարների միջև Փարիզում կայացած հանդիպման արդյունքները, բանակցային ներկայիս վիճակն ու հեռանկարները:

«Երկիր» միությանն է փոխանցվել ջավախքահայ քաղաքական գործիչ, քաղբանտարկյալ Վահագն Չախալյանի հայտարարությունը Ջավախքում վերջին դեպքերի կապակցությամբ: Ստորև ներկայացնում ենք հայտարարության տեքստն ամբողջությամբ: