Թուրքիան 6 միավոր «F-16» կործանիչ է ուղարկել Սիրիայի սահմանի մոտ։ Ինքնաթիռները սահմանից 6,5 կմ հեռավորության վրա են թռել, բայց չեն հատել այն։ Հաղորդվում է, որ Թուրքիայի այս քայլը արվել է ի պատասխան սիրիացիների կողմից ռազմական օդուժի մոտեցմանը թուրքական սահմանին։

Մ.Հազայի. «Մեզ համար ակնհայտ է, որ «վեցյակի» որոշ պետություններ որոշակի պատճառներով տրամադրված չեն հարցի լուծումը գտնելուն։ Եթե բանակցությունները չշարունակվեն այնպես, ինչպես պետք է դա լինի, ապա մենք կրկին փակուղու մեջ կմտնենք։ ԱՄՆճն և որոշ եվրոպական պետություններ հայտարարել են, որ մտադիր են մեծացնել մեր վրա ճնշումը ու ավելացնել պատժամիջոցները։ Դա նշանակում է, որ նրանք չեն ուզում լուրջ երկխոսություն սկսել մեզ հետ»։

Ըստ ադրբեջանական լրատվամիջոցների՝ Սահակաշվիլին առանձնազրույց է ունենալու Ադրբեջանի նախագահ Իլհամ Ալիևի հետ։

Ավելի վաղ իրանական գազի մատակարարման դադարեցման մասին հայտարարել էր Թուրքիայի էներգետիկայի ու բնական պաշարների նախարար Թաներ Յըլդըզը, ով, սակայն, չէր մանրամասնել, թե որն է պատճառը։ Եղան ենթադրություններ, թե Իրանը նպատակային կերպով է դադարեցրել գազի մատակարարումը ի աջակցություն Սիրիայի, ում հետ Թուրքիան վերջերս ծայրահեղ վատ հարաբերությունների մեջ է։

Կարծում եմ՝ հայկական կողմի բանակցային թերացումը եղել է այն, որ ժամանակից շուտ և պետք եղածից շատ համաձայնել է իր զիջումների բաժնին՝ առանց վստահ լինելու, որ Ադրբեջանն էլ արած կլինի իր առավելագույն զիջումները: Ի դեպ, բանակցային նույն սխալը թույլ է տրվել նաև հայ-թուրքական գործընթացում:

Թուրքիան շարունակում է Սիրիայի սահմանի մոտ ռազմական տեխնիկա կուտակել: Երեկ երեկոյան ռազմական տեխնիկայի մոտավորապես 30 միավոր շարժվել է դեպի Սիրիային սահմանակից Ռեյհանլը, Յայլադաղը և Ալթընոզու շրջանները:

Ընտրված նախագահի քաղաքական խորհրդատու Ահմադ Դեյֆը հայտարարել է, որ Մուրսին մտադիր չէ Եգիպտոսն իսլամական պետության վերածել, և գործում է նրա աշխարհականացման համար:

Վրաստանի նախագահ Միխեիլ Սաակաշվիլին կմասնակցի հունիսի 28-ից հուլիսի 1-ը Բաքվում կայանալիք «Crans Montana» ամենամյա խորհրդաժողովին։ Վերջինի ընթացքում կքննարկվի Արևելյան Եվրոպայում Ադրբեջանի էներգետիկ դերի հարցը։

Թուրքիայի ԱԳՆ–ն հայտարարել է,որ Սիրիայում թուրքական ռազմական ինքնաթիռի կործանման պատասխանատվությունն ամբողջությամբ Սիրիայինն է, քանի որ ինքնաթիռին հարված է հասցվել առանց զգուշացման: Թուրքական կողմը տեղեկացրել է նաև, որ արտգործնախարար Դովութօղլուն միջադեպի վերաբերյալ մի շարք հեռախոսազրույցներ է ունեցել տարբեր գերտերությունների բարձրաստիճան պաշտոնյաների հետ և հարցը քննարկվելու նաև ՆԱՏՕ-ում։

Թուրքիայի պաշտպանության նախարարությունը հայտարարել է, թե կործանիչները չեն ներխուժել սիրիական տարածքային ջրեր և սահմաններից մի քանի կիլոմետր հեռավորության վրա են գտնվել:Վարչապետ Ռեջեբ Թայիբ Էրդողանը արտակարգ խորհրդակցություն է հրավիրել Գլխավոր շտաբի պետի և մի շարք նախարարների մասնակցությամբ՝ ստեղծված իրավիճակը քննարկելու համար:

«Վրացական երազանք» քաղաքական կոալիցիայի առաջնորդ, միլիարդատեր Բիձինա Իվանիշվիլին բողոք է ներկայացրել ՄԱԿ-ի մարդու իրավունքների հանձնաժողով՝ կապված իր քաղաքացիության վերականգման գործընթացի շուրջ ստեղծվող արհեստական խոչընդոտների հետ: Բողոքում նշվում է, որ Իվանիշվիլիին ապօրինի կերպով Վրաստանի քաղաքացիությունից զրկել են և քաղաքացիություն շնորհելու հարցում անհիմն կերպով մերժում են։

«Ադրբեջանական կողմը շարունակում է մեկնաբանել միջնորդների հայտարարությունները իր համար նպաստավոր ձևով, առաջադրել նախապայմաններ` դրանով իսկ տորպեդահարելով նշված նախաձեռնությունները: Ադրբեջանը շարունակում է բոյկոտել տարածաշրջանում վստահության մթնոլորտի ամրապնդմանն ուղղված առանցքային գործողությունների իրականացումը, ինչպիսիք են` սահմանային պատահարների հետաքննության մեխանիզմների մշակումը, շփման գծից դիպուկահարների հեռացումը և այլն»։

«Ռիո 20» գագաթնաժողովի բացումից հետո Էրդողանը հանդիպել է Ֆրանսիայի նախագահ Ֆրանսուա Օլանդի հետ: Մոտ կես ժամ տևած հանդիպման ժամանակ Էրդողանն ընդգծել է, որ երկկողմանի հարաբերություններում ծանր ժամանակաշրջանից հետո (Հայոց ցեղասպանության հերքումը քրեականացնող օրինագծի հետ կապված) անհրաժեշտ է բացել նոր էջ։

«Հայաստանից կանայք և աղջիկները սեռական թրաֆիքինգի են ենթարկվում Միացյալ Արաբական Էմիրություններում, Թուրքիայում և հենց երկրի ներսում: Հայաստանի կառավարությունը չի ապահովում թրաֆիքինգի վերացման նվազագույն չափանիշները, սակայն զգալի ջանքեր է գործադրում այդ ուղղությամբ»:

Թուրքիայի հարավարևելյան Հաքյարիի շրջանում, որը սահմանակցում է Իրաքի հետ, թուրքական զորամասը հարձակման է ենթարկվել Քրդական աշխատավորական կուսակցության գրոհայինների կողմից։ Ըստ նախնական տվյալների՝ 7 թուրք զինվոր սպանվել է, 15–ը վիրավորվել։ Հաքյարիի շրջան են ուղարկվել ռազմական ուղղաթիռներ ու լրացուցիչ ստորաբաժանումներ. Մարտական գործողությունները շարունակվում են։

Փարիզում ավարտվել է ՀՀ արտգործնախարար Էդվարդ Նալբանդյանի և Ադրբեջանի արտգործնախարար Էլմար Մամեդյարովի հանդիպումը, որին մասնակցել են ԵԱՀԿ Մինսկի խմբի համանախագահները։ Նրանց տարածած հայտարարության համաձայն՝ արտգործնախարարները վճռականություն են հայտնել համանախագահների հետ շարունակել աշխատանքը և հասնել ղարաբաղյան հակամարտության խաղաղ կարգավորմանը...

Ադրբեջանը մտադիր է «Կալաշնիկով» ինքնաձիգները փոխարինել իսրայելական «Տավոր»-ով։ Ըստ այդ տեղեկատվության՝ Ադրբեջանում նախատեսվում է կառուցել համապատասխան գործարան:5.56 մմ տրամաչափի «Տավոր» ինքնաձիգն արտադրում է «Israel Military Industries»–ը։ Զենքի մատակարարմամբ կզբաղվի «Israel Aerospace Industries» պետական ընկերությունը, հայտնում է «The Jerusalem Post»-ը:

Թուրքիայի Սահմանադրական դատարանը մերժել է ընդդիմության ներկայացրած հայցը, որը պահանջում էր օգոստոսին, 5-ամյա պաշտոնավարման ժամկետի լրանալու կապակցությամբ, դադարեցնել նախագահ Աբդուլահ Գյուլի լիազորությունները։ Այս մասին տեղեկացնում է թուրքական «Հուրիեթ»–ը։ Եթե այլ վճիռ կայացվեր, ապա այս տարվա օգոստոսին Թուրքիայում նախագահական ընտրություններ պետք է անցկացվեին։