Ադրբեջանի դեսպանը հավաստիացրել է Իրանի արտգործնախարարին, որ զենքը գնվում է միայն Ադրբեջանի «գրաված տարացքները ազատագրելու» համար և չի պատրաստվում այն օգտագործել այլ երկրների` մասնավորապես Իրանի դեմ: Ախունդովը նաև հավելել է, որ իր երկիրը ձգտում է բարելավել հարաբերությունները Իրանի հետ: Իրանի արտգործնախարարը իր հերթին զգուշացրել է Ադրբեջանին զերծ մնալ Իսրայելին Իրանի դեմ աջակցելու որևէ գործուղություններից:

«Վրաստանը երբեք չի փակվի Ռուսաստանի ներդրողների և զբոսաշրջիկների համար։ Ռուսաստանցի յուրաքանչյուր գործարար պետք է վստահ լինի, որ կարող է գալ Վրաստան, ներդրումներ անել, բիզնես և արտադրություն հիմնելԵս հավատում եմ, որ այնտեղ ուր բիզնեսն է ակտիվ զարգանում, տանկերի որոտների համար տեղ չի մնա,»- շեշտել է Վրաստանի նախագահը:

Վատիկանի գաղտնի արխիվի պրեֆեկտ եպիսկոպոս Սերժիո Պագանոն հայտարարել է, որ փաստաթղթերը մեծ քանակությամբ տեղեկատվություն են պարունակում հայերի մասին: Խոսելով Հայոց ցեղասպանության վերաբերյալ եղած փաստաթղթերի մասին՝ Պագանոն ընդգծել է, որ հրապարակված փաստաթղթերը հաստատում են թուրքական բանակի կողմից հայերի հանդեպ իրականացված դաժան խոշտանգումները:

Ջեմմա Բաղդադյան. «... Ազգային ժողովի ընտրություններ ու էլի շատ ու շատ ներքաղաքական հարցեր, ուստի, հայ հասարակական միտքը (պատմաբաններ, վերլուծաբաններ, իրավագետ - քաղաքագետներ, Հայաստանի արտաքին հարաբերությունների գերատեսչության պատասխանատուներ) այնքան մտացիր ու մտազբաղ է, որ ժամանակ չի գտնում ՀՀ դեսպանին հարցնելու՝ ինչո՞ւ, այդ ո՞ր իրավունքով…»։

sraeli Aerospace Industries և Ադրբեջանի միջև ստորագրվել է զենքի մատակարարման վերաբերյալ պայմանագիր: Գործարքի արդյունքում Իսրայելը վաճառելու է Ադրբեջանին ժամանակակից հակաօդային պաշտպանության համակարգեր և ինքնատիռներ՝ մոտ 1.4 մլրդ դոլար արժողությամբ։

Անդրադառնալով Տավուշի մարզի սահմանային գծում հայ զինծառայողի մահվան դեպքին` «Կովկաս» ինստիտուտի փոխտնօրեն, քաղաքագետ Սերգեյ Մինասյանը կարծիք է հայտնել, թե այս դեպքը հերթական լարված քաղաքականության արդյունք չէ:

Ատոմային էներգետիկայի միջազգային գործակալության(ՄԱԳԱՏԷ) տեսուչները երկօրյա այցով կժամանեն Իրան՝ բանակցելու Իրանի միջուկային ծրագրի շուրջ։ Թեհրան մեկնելուց առաջ, սակայն, տեսուչները հայտարարել են, որ վստահ չեն, թե իրենց կթողնեն մուտք գործել միջուկային օբյեկտներ։

«Ռոյթերս» գործակալությունը փոխանցում է, որ Իրանի երկու ռազմանավ Սուեզի նեղուցով մուտք է գործել Միջերկրական ծովի տարածք։ Գործակալության աղբյուրի համաձայն՝ նավերը հատել են նեղուցը եգիպտական իշխանությունների կողմից համապատասխան թույլտվություն ստանալուց հետո։ Հավանական է, որ նավերն ուղևորվում են դեպի Սիրիայի ափը, որի հետ Իրանը կնքել է համատեղ զորավարժություններ իրականացնելու համաձայնություն։

Հայկ Խանումյան. «Բակո Սահակյանի ասածը դիվանագիտական հնարք չէր կամ Ադրբեջանի ռեակցիան ստուգելու համար արված հայտարարություն: Այն տրամաբանորեն շարունակում է Սերժ Սարգսյանի` 2010թ. գարնանը սիրիական «Ալ-Վաթանին» տված հարցազրույցում հնչեցրած միտքը` չենք բնակեցնում ազատագրված տարածքները, քանզի հանձնելու ենք»։

Հարութ Սասունյան. «Արդյո՞ք Բրայզայի ծրագրած «լոբբիստական» և «քարոզչական» գործողություններն ի նպաստ թուրքերին և ադրբեջանցիներին, գտնվում են իրավական շրջանակներում` հաշվի առնելով այն, որ ԱՄՆ օրենսդրությունը նախատեսում է սահմանափակումներ նախկին պետական պաշտոնատարների նկատմամբ»։

«Օբաման 2013թ. բյուջեի նախագծում առաջարկել է 27,219,000 դոլար տնտեսական օգնություն տրամադրել Հայաստանին, ինչը, փաստորեն, 32%–ով քիչ է 2012թ. բյուջեով նախատեսված տնտեսական օգնության չափից (նախորդ տարի այն 40 մլն դոլար էր)»,–նշված է Հայ դատի հանձնախմբի տարածած հաղորդագրության մեջ։ ԱՄՆ 2013թ. բյուջեի նախագծում Հարավային Կովկասի երկրներին առաջարկվող օգնության չափը հետևյալն է...

Իրանի ԱԳՆ–ը բողոքի պաշտոնական նոտա է հղել Թեհրանում Ադրբեջանի դեսպանին՝ կապված Times պարբերականում տպագրված հոդվածի հետ, որտեղ նշվում է, թե Իսրայելի հետախուզական ծառայությունն իր գործակալներին ուղարկել է Բաքու՝ հետևելու Իրանի ներկայացուցչիներին։

ԱԽ անդամ երկրներն բացառությամբ Ադրբեջանի իրենց աջակցություն են հայտնել առաջիկա տարվա ընթացում ԵԱՀԿ նախագահության նշված գերակայություններին և հակամարտություններին լուծում գտնելու Իռլանդիայի հանձնառությանը: Միակ դժգոհ ելութը հնչեցրել է Ադրբեջանի ներկայացուցիչը: Ի պատասխան այդ ելույթի, ՄԱԿ ԱԽ անդամներին է տարածվել ՄԱԿ-ում ՀՀ մշտական ներկայացուցիչ Կարեն Նազարյանը, որում մասնավորապես ասված է...

Միջոցառմանը մասնակցելու է շուրջ 200 ընկերություն, որոնք ներկայացնում են գյուղատնտեսական, շինարարական, տուրիզմի, թեթև արդյունաբերության, էներգետիկայի, անշարժ գույքի և դեղագործական ոլորտները: 2011 թվականի հունվար-նոյեմբերն ամիսներին Թուրքիայի և Ադրբեջանի միջև ապրանքաշրջանառությունը կազմել է 1.5 միլիարդ դոլար, իսկ Ադրբեջանի ու Վրաստանի միջև՝ 551.8 միլիոն դոլար:

Ամեն ինչ սկսվել է այն բանից հետո, երբ ի նշան բողոքի «Ժողովրդա–հանրապետական» կուսակցության ներկայացուցիչները փորձել են գրավել խորհրդարանական ամբիոնը։ Նրանք փակել են մուտքը դեպի ամբիոն և պահանջել խորհրդարանի խոսնակ Ջեմիլ Չիչեքի հրաժարականը: Չիչեքն իր հերթին կտրուկ դատապարտել է այդ գործողությունները և հայտարարել է, թե ամբիոնի գրավումն արդյունք չի տա: Այն բանից հետո, ինչ Չիչեքն ընդմիջում է հայտարարել, սկսվել է ծեծկռտուքը, որը տևել է 10 րոպե:

ԱՄՆ նախագահ Բարաք Օբաման հրամանագիր է ստորագրել Իրանի դեմ նոր պատժամիջոցներ կիրառելու վերաբերյալ։ Խոսքը Միացյալ Նահանգներում գտնվող իրանական բոլոր ակտիվների սառեցման մասին է։ Ամերիկյան պատժամիջոցները կտարածվեն նաև Իրանի կենտրոնական բանկի և ֆինանսական այլ կառույցների վրա։

Ինչպես հաղորդում է անգլալեզու «Todayszaman.com» կայքը, Թուրքիայի՝ Եվրամիության հարցերով պետնախարար Էգեմեն Բաղըշը «Ալ Ջազիրա» հեռուստաալիքի հետ զրույցում հայտարարել է՝ Հայոց ցեղասպանությունը փաստերով ապացուցվելու դեպքում Թուրքիան ներողություն կխնդրի։ Եթե դա (Հայոց ցեղասպանությունը) պատմականորեն և գիտականորեն, և որ ավելի կարևոր է՝ միաձայն ճանաչվի որպես իրական փաստ, ապա ինչու ոչ,–ընդգծել է նա:

Ղարաբաղյան կարգավորման առումով պետքարտուղար Քլինթոնը վերահաստատել է ԱՄՆ դիրքորոշումն առ այն, որ հիմնախնդրի կարգավորումը հնարավոր է բացառապես խաղաղ ճանապարհով և նշել, որ ԱՄՆ-ն, որպես ԵԱՀԿ Մինսկի խմբի համանախագահ, շարունակելու է իր լիակատար աջակցությունը հակամարտության կողմերի միջև համաձայնությունների ձեռք բերմանը և հիմնախնդրի հանգուցալուծմանը: