Ադրբեջանական «Day Az»-ը հաղորդում է, որ Թեհրանում Իրանի ճանապարհների և կոմունիկացիաների նախարար Համիդ Բիխբախանին ու  Հայաստանի տրանսպորտի և կապի նախարար Գուրգեն Սարգսյանը ստորագրել են Իրան-Հայաստան երկաթգծի կառուցման վերջնական համաձայնագիրը։  Իրան-Հայաստան երկաթգիծը  հնարավորություն կտա Հայաստանին էներգակիրների և այլ ապրանքների փոխադրումը իրականացնել այլընտրանքային ճանապարհով։ Հայաստանի ներկայիս  երկաթգծային կոմունիկացիաները արտաքին աշխարհի հետ ապահովվում են միայն Վրաստանի տարածքով։ Երկաթգծի երկարությունը կկազմի 470 կմ, որից 60 կմ-ը անցնելու է Իրանի տարածքով՝ մնացածը Հայաստանի։ Չի բացառվում Ռուսաստանի մասնակցությունը կառուցման աշխատանքների ֆինանսական նախագծերում։