Թեև ՀՀ իշխանություններն ասում են, թե գազի սակագնի վերաբերյալ ռուսական կողմի հետ բանակցությունները դեռ չեն ավարտվել, բայց «Պետական եկամուտների կոմիտեն» արդեն իսկ հրապարակել է 2011-2012թթ. ՀՀ արտաքին առևտրի երկիր-ապրանք կտրվածքով հաշվետվությունը։ Այնտեղ նշված է, որ 2012թ. Ռուսաստանից Հայաստան մատակարարված 1,91 մլրդ խմ գազի ընդհանուր մաքսային արժեքը կազմել է 444 մլն դոլար: Այսինքն՝ բնակչության համար 1 խմ գազի գինը ներկայիս 132 դրամի փոխարեն կդառնա մինչև 162 դրամ, իսկ խոշոր սպառողների համար 1000 խմ–ն ներկայիս 243,13 փոխարեն՝ 313,13 դոլար:

Նախկինում Հայաստանին մատակարարվող ռուսական գազի գինն ընդունվել է մեկ տարվա կտրվածքով, սակայն 2012թ. երրորդ և չորրորդ եռամսյակների համար սահմանվել է առանձին գին:

7or.am