ՕԵԿ խմբակցության ղեկավար Հեղինե Բիշարյանը խոստովանել է, որ իրոք տեղի է ունեցել կոալիցիոն քաղաքական ուժերի նիստ, որտեղ Սերժ Սարգսյանը միասնական հայտարարության տեքստ է առաջարկել։ «Առաջիկա աշխատանքների՛ հետ կապված միասնական, որը չի նշանակում՝ միասին լինել, այլ բոլոր կոալիցիոն ուժերն առանձին-առանձին առաջ գնալով, բայց՝ միասնական քաղաքականության շրջանակներում։ Եվ երկրորդը՝ 2013թ. պաշտպանելու, այո՛, գործող նախագահին...»։

Վրաստանի էներգետիկայի նախարարի առաջին տեղակալ Մարիամ Վալիշվիլին հայտնել է, որ տեղեկություն չունի, թե միջազգային լրատվամիջոցները որտեղից են վերցրել «Հյուսիս-հարավ» գազամուղի, որի միջոցով ռուսական գազը հասնում է Հայաստան, վաճառքի ժամկետը։ «Շատ հնարավոր է, որ դրանք կանխարգելիչ քայլեր լինեն՝ նախաձեռնված նույն Հայաստանի կողմից, որի համար անցանկալի է, որ գազամուղն Ադրբեջանի տնօրինությանն անցնի», ասել է նա։