Փարիզում ավարտվել է ՀՀ արտգործնախարար Էդվարդ Նալբանդյանի և Ադրբեջանի արտգործնախարար Էլմար Մամեդյարովի հանդիպումը, որին մասնակցել են ԵԱՀԿ Մինսկի խմբի համանախագահները։ Նրանց տարածած հայտարարության համաձայն՝ արտգործնախարարները վճռականություն են հայտնել համանախագահների հետ շարունակել աշխատանքը և հասնել ղարաբաղյան հակամարտության խաղաղ կարգավորմանը...

Ադրբեջանը մտադիր է «Կալաշնիկով» ինքնաձիգները փոխարինել իսրայելական «Տավոր»-ով։ Ըստ այդ տեղեկատվության՝ Ադրբեջանում նախատեսվում է կառուցել համապատասխան գործարան:5.56 մմ տրամաչափի «Տավոր» ինքնաձիգն արտադրում է «Israel Military Industries»–ը։ Զենքի մատակարարմամբ կզբաղվի «Israel Aerospace Industries» պետական ընկերությունը, հայտնում է «The Jerusalem Post»-ը:

Թուրքիայի Սահմանադրական դատարանը մերժել է ընդդիմության ներկայացրած հայցը, որը պահանջում էր օգոստոսին, 5-ամյա պաշտոնավարման ժամկետի լրանալու կապակցությամբ, դադարեցնել նախագահ Աբդուլահ Գյուլի լիազորությունները։ Այս մասին տեղեկացնում է թուրքական «Հուրիեթ»–ը։ Եթե այլ վճիռ կայացվեր, ապա այս տարվա օգոստոսին Թուրքիայում նախագահական ընտրություններ պետք է անցկացվեին։

Արևելյան Եվրոպայի համար եվրոպական զարգացման ու ներդրումների հիմնադրամը (EDIFEE) հայտարարել է Հայաստանի, Վրաստանի ու Ադրբեջանի էներգետիկ ու բնապահպանական բնագավառներում 470 մլն եվրոյի չափով ներդրումներ անելու մասին։ Ներդրումները կիրականացվեն 36 ամսվա ընթացքում։

«Այդ մեխանիզմները, սակայն, արդյունավետ կլինեն միայն այն դեպքում, երբ հայերը սկսեն հեռանալ «Ադրբեջանի տարածքներից»։ Եթե այդ մեխանիզմները սկսվեն այսօր կիրառվել, դա կնշանակի ներկայիս ստատուս–քվոյի ամրապնդում, ինչն անընդունելի է»,–ասել է Մամեդյարովը։

Այն երկիրը կամ միջազգային կազմակերպությունը, որը չի ճանաչում Վրաստանի տարածքային ամբողջականությունը, իրավունք չունի դիտորդական առաքելություն իրականացնել հոկտեմբերին կայանալիք խորհրդարանական ընտրություններին։ Նման փոփոխություններ են իրականացվել Վրաստանի Ընտրական օրենսգրքում։

Իրան Լավրովի այցի ընթացքում անդրադարձ կկատարվի նաև Սիրիայի հարցին։ Լավրովի այցից առաջ ՌԴ ԱԳՆ–ի ներկայացուցիչը նշել էր, թե Մոսկվան մերձավորարևելյան որոշ երկրների փաստաբանը չէ, բայց պնդում է, թե միջազգային իրավունքի նորմերն ու սկզբունքները պետք է պահպանվեն։

Իրանի նախագահ Մահմուդ Ահմադինեժադը կարծում է, որ թշնամինների ծրագրերը ձախողելու համար անհրաժեշտ է անընդհատ նրանց ակտիվորեն հակազդել։ Նման հայտարարությամբ նա հանդես է եկել Թեհրանում «Պաղեստինի ազատագրման ազգային ճակատի» առաջնորդ Ահմեդ Ջիբրիլի հետ հանդիպման ժամանակ։

«Վրացական երազանք» ընդդիմադիր կուսակցության առաջանորդ, միլիարդատեր Բիձինա Իվանիշվիլիի դեմ Վրաստանի դատարանի Վերահսկիչ պալատը հայց է ներկայացրել։ Թբիլիսիի քաղաքային դատարանը տուգանել է Իվանիշվիլիին 77,5 մլն դոլարով։ Հարուցված գործը վերաբերում է «Global Сonsulting Group.» ընկերության կողմից անվճար բաժանված արբանյակային ալեհավաքներին։

«Լեռնային Ղարաբաղի Հանրապետության Պաշտպանության բանակի և Ադրբեջանի զինված ուժերի շփման գծում տիրող լարվածությունը գնալով ավելի է սրվում: Հակառակորդը դիվերսիոն գործողություններ է ձեռնարկում նույնիսկ խաղաղ բնակչության հանդեպ: Եվ այդ ամենը իրականացնում է մի երկիր, որը հանդիսանում է ՄԱԿ-ի Անվտանգության խորհրդի անդամ»։

Հունիսի 12–ին՝ Իսրայելի Կնեսեթը կքննարկի Հայոց ցեղասպանության հարցը: Այնուհետև այն կներկայացվի Կնեսեթի հանձնաժողովների քննարկմանը։ 2011թ. նույնպես այս հարցը քննարկվել էր Կնեսեթում, սակայն Իսրայելի ԱԳՆ–ն դեմ էր արտահայտվել։ Այն ժամանակ Իսրայելի խորհրդարանի կրթության և մշակույթի հանձնաժողովում ապրիլի 24-ը Հայոց ցեղասպանության հիշատակի օր ճանաչելու մասին բանաձևին կողմ էր քվեարկել 25 պատգամավոր, դեմ՝ 1, ով ծագումով ադրբեջանցի է։

«ԱՄՆ-ը ներկայումս նպատակ չունի ճամաչել Ադրբեջանի տարածքային ամբողջականությունը: Նրանք ցանկանում են, որպեսզի մենք զիջումների միջոցով լեզու գտնենք հայերի հետ»,- vesti. az-ին տված հարցազրույցում ասել է Ադրբեջանու պալատական քաղաքագետի համբավ ունեցող, Ադրբեջանի նախագահի նախկին խորհրդական Վաֆա Գուլուզադեն:

Թուրքիայի արտգործնախարար Ահմեթ Դավութօղլուն ելույ ունենալով երկրի խորհրդարանում անդրադարձել է Քլինթոնի՝ հայ–թուրքական հարաբերությունները կարգավորելու կոչին ու նշել, որ թեև Թուրքիայի համար շատ կարևոր է հարևան երկրների հետ բարիդրացիական հարաբերություններ ունենալը։ Միաժամանակ թուրք պաշտոնյան ընդգծել է...

Հիլարի Քլինթոնը հանդիպել է Միխաիլ Սահակաշվիլիի հետ ու նշել, որ ԱՄՆ–ն աջակցում է Վրաստանի տարածքային ամբողջականությունը և կոչ է անում Ռուսաստանին «վերջ տալ վրացական տարածքների բռնազավթմանը»։ Սահակաշվիլին իր հերթին վրացական անձնագիր է նվիրել Քլինթոնին։

Տիգրան Դևրիկյան. «Իրականությունն այն է, որ վերջին շրջանում ադրբեջանական բանակն անընդհատ ոտնձգությունների է դիմում Հայաստանի հյուսիս-արևելյան սահմաններում, ինչպես Դովեղի աննախադեպ գնդակոծումն ու գիշերով դարանից մարդատար մեքենայի վրա ապրիլի 27-ին կրակ բացելու և պայմանագրային զինծառայողներ Արշակ Ներսիսյանի, Դավիթ Աբգարյանի ու Արամ Եսայանի կյանքերը խլելու դեպքերը»։

Ադրբեջանի ԱԳ նախարար Էլմար Մամեդյարովը Բաքվում հայտարարել է, որ հունիսի 18-ին Փարիզում հանդիպելու են Հայաստանի ու Ադրբեջանի արտաքին գործերի նախարարները և ավելացրել, որ այդ հանդիպման ժամանակ Ադրբեջանը հայկական կողմին կփորձի համոզել, որ «ստատուս-քվոյի» պահպանումն անընդունելի է։

Բրիտանական հեղինակավոր «Բի–Բի–Սի»–ի հաղորդագրության մեջ նշվում է, որ ԱՄՆ Պետքարտուղար Հիլլարի Քլինթոնի այցը Հարավային Կովկաս ԱՄՆ–ում դիտարկում են որպես ղարաբաղյան հակամարտությունը կարգավորելու վերջին հույսը։ Չնայած փորձագետների մեծամասնությունը կարծում է, որ այդ այցը էապես ոչ մի բան չի փոխի։

Նաթիա Կուպրաշվիլի. «Վրաստանի կառավարության`ուսանողներին ամառային աշխատանքով ապահովելու ծրագրին մասնակցել ցանկացողներին այնքան շատ էին, որ ծրագրի մեկնարկի առաջին իսկ օրը բոլոր տեղերը զբաղված էին. ուսանողների շրջանում աշխատատեղերի նկատմամբ պահանջարկը մեծ է, քանի որ այսպես նրանք հույս ունեն վճարել իրենց ուսման վարձը»։