«Երկրի իշխանություններին կոչ եմ անում անել հնարավորինը՝ Ռուսաստանի հետ նստելու բանակցային սեղանի շուրջ։ Վրաստանի ղեկավարության չմտածված քաղաքականությունը բերեց նրան, որ մեզ անհրաժեշտ է դարձել ռուսների համաձայնությունը օսերի հետ բանակցելու համար»,–«Ասավալ–դասավալի» թերթին ասել է Վրաստանի նախկին նախագաhը։

1985-ից աշխարհում տեղի ունեցող փոփոխություններին զուգահեռ Հայ հասարակական - քաղաքական միտքը հնարավորություն ու ժամանակ ուներ աշխատելու եւ զարգանալու: Իսկ դրա համար նա պետք էր նախ հստակեցներ հայությանն ու Հայաստանին, այդ թվում՝ Միջին Արեւելքի հայությանը, ՀՀ-ին ու ԼՂՀ-ին ուղղված սպառնալիքները եւ ապա փորձեր գտնել այդ սպառնալիքներին դիմակայելու ուղիները:

«Հըզբոլլահ» շարժումը սպառնացել է հրթիռակոծել Իսրայելը, եթե վերջինս հարձակվի Իրանի վրա: «Մենք կարող ենք Պաղեստինի գրավյալ տարածքներում բնակվող միլիոնավոր սիոնիստների կյանքը վերածել իսկական դժոխքի»,- հայտարարել է «Հըզբոլլահ»–ի առաջնորդ Հասան Նասրալահը: Իսկ երեկ Իրանի նախագահը հայտարարել էր, որ «տարածաշրջանի ժողովուրդները շուտով վերջ կդնեն սիոնիստների բռնապետական ռեժիմին և կստեղծեն նոր Մերձավոր Արևելք»։

Իրանի Սեյսմոլոգիայի և երկրաշարժերի ինժեներիայի միջազգային ինստիտուտը (IIEES), ի տարբերություն մյուս կազմակերպությունների, որոնց կողմից զույգ երկրաշարժերի մագնիտուդները տարբերվում են 0.1 կամ 0.2 արժեքով, դրանով իսկ առանձնացնելով հետցնցումը գլխավորից, այդ 2 ստորգետնյա ցնցումների ուժը գնահատել է 6.1, ինչը 11 րոպե ժամանակային տարբերությամբ տեղի ունեցած 2 ստորգետնյա ցնցումներն էլ դարձնում է գլխավոր:

Հուլիսին Իրանում գնաճը կազմել է 26,2 տոկոս՝ նախորդ տարվա նույն ժամանակահատվածի 25,9 տոկոսի դիմաց։ Մասնավորապես, հուլիսին սննդամթերքի գներն, 20112.-ի նույն ժամանակահատվածի համեմատ, աճել են 44,8 տոկոսով։ Մեկ ամսվա կտրվածքով Իրանում հացը թանկացել է 10,2 տոկոսով, կաթը, պանիրն ու ձուն՝ 6,5 տոկոսով։

Հարութ Սասունյան. «Վերջերս անսպասելիորեն աչքովս ընկավ մի չափազանց կարևոր իսլամական փաստաթուղթ, որը խստորեն դատապարտում է թուրքերին` կրոնի քողի տակ հայ քրիստոնյաներին սպանելու համար:Այս բացառիկ փաստաթուղթը ֆեթվա կամ կրոնական հրամանագիր է, որն արձակվել է 1909 թվականի մայիսին...»։

Օգոստոսի 16-ին Վրաստանի իշխանությունները նախատեսում են հիմնանորոգումից հետո հանդիսավոր կերպով վերաբացել Ախալցխայի բերդը և դրան մաս կազմող «Ահմեդիե» մզկիթը: Վրացական իշխանությունները Ախալցխայում վերականգնում են թուրքական մզկիթ, սակայն շարունակում են արհամարհել հայկական Սուրբ Նշան եկեղեցին։ Նման պայմաններում Շառլ Ազնավուրի համերգը մեծ հարված կհասցնի աշխարհահռչակ շանսոնիեի հեղինակությանը ջավախահայության շրջանում:

Ռամին Մեհմանփարաստ. «Քրդական աշխատավորական կուսակցության (PKK) անդամների՝ Իրանի տարածքից Թուրքիա թափանցելու մասին Բյուլնեթ Արինջի հայտարարությունները ոչ միայն չեն նպաստի այդ երկրի ներքին խնդիրների լուծմանը, այլև կարող են տարածաշրջանը ներքաշել կրոնական և էթնիկական հակամարտության մեջ»:

ԱՄՆ նախագահ Բարաք Օբաման ստորագրել է Կոնգրեսի կողմից հաստատված Իրանի դեմ ուղղված պատժամիջոցների նոր փաթեթի օրինագիծը։ Դրանով նախատեսվում է պատժամիջոցներ կիրառել այն ընկերությունների և անձանց նկատմամբ, ովքեր ուրանի հայթայթման գործում կհամագործակցեն իրանական իշխանությունների հետ։

30 երկրների պատվիրակներi համատեղ հայտարարության մեջ հակամարտող կողմերին կոչ է արվում դադարեցնել բախումները և ուղիներ փնտրել քաղաքական բանակցությունների միջոցով հասնել ազգային համաձայնության: Միաժամանակ, կոչ է արվել նաև ձեռնպահ մնալ զինված խմբավորումներին զենք տրամադրելուց։

Արտաքին քաղաքականութեան ոլորտում Իրանը միաժամանակեայ դիմագրաւման կուրս է իրականացնում մի քանի ճակատներում.

Թուրքիայի ներքին գործերի նախարար Իդրիս Նայիմ Շահինը հայտարարել է, որ վերջին շրջանում Թուրքիայում ոչնչացվել է Քրդական աշխատավորական կուսակցության 170 գրոհային։ Ինչպես հաղորդում է թուրքական «Սաբահ» թերթը՝ զոհվածների մեջ կան նաև ՀՀ քաղաքացիներ։ Լրացուցիչ տեղեկատվություն, սակայն, չի հաղորդվում։

Հարութ Սասունյան. «Եթե մի օր Արևմտյան Հայաստանն ազատագրվի, արդյո՞ք հայերը կցանկանան թողնել իրենց հարմարավետ տները Արևմուտքում և վերաբնակվել այդ անհյուրընկալ տարածքներում...»։

Նախօրեին Հարավային Օսիայի սահմանային մի շարք գյուղեր այցելած Վրաստանի նախագահ Միխայիլ Սաակաշվիլին տեղի բնակչության հետ հանդիպման ժամանակ հայտարարել է, թե Վրաստանը կվերադարձնի իր օկուպացված տարածքները։

Հոկտեմբերի 1-ին նախատեսվող խորհրդարանական ընտրություններին մասնակցության հայտ է ներկայացնելու 40 քաղաքական կուսակցություն, որոնցից 19-ն արդեն գրանցվել են: Մյուս կուսակցությունների հայտերը գտնվում են քննարկման փուլում։ «Ինտերֆաքս»–ի փոխանցմամբ՝ այսպիսի տվյալներ ունի Վրաստանի ԿԸՀ–ն։

Համաձայն ՊԲ օպերատիվ տվյալների, հուլիսի 29-ից օգոստոսի 4-ն ընկած ժամանակահատվածում ղարաբաղա-ադրբեջանական հակամարտ զորքերի շփման գծում հակառակորդի կողմից հրադադարի պահպանման ռեժիմը խախտվել է շուրջ 250 անգամ, որի ընթացքում, տարբեր տրամաչափի հրաձգային զինատեսակներից, հայ դիրքապահների ուղղությամբ արձակվել է ավելի քան 1200 կրակոց:

«Գալով Միջին Արեւելքի և Սիրիայի հայության ապագայի խնդիրներին, ապա ինչպես արդեն բազմիցս նշել ենք՝ Միջին Արեւելքի հայության ապագան նրա բոլոր իրավունքների պաշտպանության մեջ է, այդ թվում՝ բնօրրան հայրենիք վերադարձի իրավունքի եւ այնտեղ սեփական անկախ ինքնիշխան պետության հաստատման այնպես, ինչպես նշել էինք 2012-ի փետրվարի 9-ին, երբ հաստատեցինք, որ «Հայությունը այլեւս այլ տեղ չունի գնալու, բացի հայրենիքից»»։

ԱՄՆ Կոնգրեսի 2 պալատները հավանություն են տվել նախագահ Օբամայի Իրանի դեմ նոր պատժամիջոցների կիրառման առաջարկին։ Պատժամիջոցներն անդրադառնալու են էներգետիկայի, նավթաքիմիական արդյունաբերության և ֆինանսական ոլորտներին: