Իրանը կողմնակից է, որ Լեռնային Ղարաբաղի հակամարտությունը լուծվի միջազգային իրավունքի և Ադրբեջանի տարածքային ամբողջականության շրջանակներում, երեքշաբթի օրը մամուլի ասուլիսի ժամանակ ասել է Իրանի պաշտպանության նախարար Ահմադ Վահիդին: Նա նաև նշել է ԵԱՀԿ ՄԽ գործունեության դրական արդյունքների բացակայության մասին։ -Գործունեության 18 տարիների ընթացքում ԵԱՀԿ ՄԽ-ը հակամարտության կարգավորման հարցում չի հասել դրական արդյունքների,- ասել է նախարարը։

Եվրո–2012–ի ֆուտբոլի ընտրական փուլի չորրորդ տուրի Հայաստան– Անդորրա ֆուտբոլի ազգային հավաքականների հանդիպումն ավարտվեց մերոնց փայլուն հաղթանակով՝ 4 - 0: Գոլերի հեղինակներ դարձան Գևորգ Ղազարյանը, Հենրիխ Մխիթարյանը, Յուրա Մովսիսյանը և Մարկոս Պիզելին։ Այս խաղից հետո Հայաստանի հավաքականը հավաքեց 7 միավոր՝ խփելով 9 և բաց թողնելով 4 գնդակ։

«Համայնքներում մարզամշակութային և քաղաքական միջոցառումներ են անցկացվում, շատ լավ է: Թող մեզ տեղյակ պահեին, անշուշտ կնպաստեինք, անշուշտ կաջակցեինք: Քաղաքական միջոցառում է, ո՞ր կուսակցությունն է անցկացնելու, խնդրեմ, ո՞վ է արգելելու, կամ ո՞վ իրավունք ունի արգելելու։ Բայց մենք պետք է տեղյակ լինենք, մասնակցենք, որպեսզի ավելի ակտիվ անցնի», –նշել է Սեյրան Պետրոսյանը։