Հարութ Սասունյան. «Չնայած նախագահ Սարգսյանի' Սենատ ստեղծելու մտադրության մասին նախարար Հակոբյանի հայտարարությանը, Նախագահի մամուլի խոսնակ Արմեն Արզումանյանը նախազգուշացրեց, որ սա բազմաթիվ առաջարկներից մեկն է, և որը լուրջ քննարկման կարիք ունի»։

Վահան Դիլանյան. «Եգիպտոսի նախագահ Հոսնի Մուբարաքի մերձավորների հեռացումը պետական կառավարման համակարգից' իշխող Ազգային-ժողովրդավարական կուսակցության ղեկավարության հրաժարականները, Մուբարաքի «շախմատի վերջին պարտիայի» քայլերից են»։

Վարդան Մխիթարյան. «Մենք շատ լուրջ խնդրի առաջ ենք կանգնած և պետք է արմատական քայլերով փրկենք այս վիճակը, իսկ փրկել կարող ենք բացառապես նոր և թարմ մոտեցումներով՝ նոր և թարմ քաղաքական ուժերի մասնակցությամբ: Հակառակ դեպքում կրկին գրեթե բոլորը կշարունակեն դժգոհել առկա վիճակից ու վերջում էլ կավելացնեն, թե միևնույնն է' ոչինչ չի փոխվելու»։

Սոնա Արշունեցի. «Այո՛ պարոն Նախագահ, դժվար է ականատեսը լինել Ձեր ազգակործան գործունեությանն ու չժայթքել...Ձեր կողմից լեզվի մասին օրենքում փոփոխություն կատարելու ստորագրման լուրն ինձ բնավ էլ չզարմացրեց, քանզի դուք էն գլխեն «փայլեցիք» Ձեր ապազգային դրսևորումներով»։

Գեղամ Նազարյան. «Հայաստանում տեղի ունեցող տարօրինակ իրադարձություններին ուշադիր հետևելիս պարզ է դառնում, որ վարչախումբն ամեն ինչ անում է՝ «մեկ ազգ, մեկ օլիգարխ» ծրագիրն իրականություն դարձնելու համար»։

Վարդան Մխիթարյան. «Այն, ինչ այսօր կատարվում է մեր երկրում, միայն թուլացնում է մեր երիտասարդ հանրապետությունը և ավելի բարոյալքում ժողովրդին: Եթե մարդուն զրկում ես ընտրելու իրավունքից, եթե ցանկանում ես Հայաստանը վերածել սուլթանության, եթե ցանկանում ես, որ մեռնի միջին և փոքր բիզնեսը, ապա չես կարող ակնկալել հաջողություններ մարտի դաշտում»։

Էդիկ Անդրեասյան. «Ոչ մի նորանշանակ պաշտոնյա, սա չգրված օրենք է, չի կարող կանգնել ու նշանակողին ասել, թե դուք մինչ իմ պաշտոնակալությունը սխալ բաներ եք արել, որոնք ես չէի ցանկանա իրականացնել: Կարեն Կարապետյանն էլ բացառություն չէ»։

Մարինե Պետրոսյան. «Եթե մենք ուզում ենք, որ Հայաստանում սկսի աշխատել հանրային պայմանավորվածության սկզբունքը, ուրեմն պետք ա իրար հետ պայմանավորվենք ու հեղափոխություն անենք: Իմ ասած մենքի մեջ մտնում են բոլոր նրանք, ովքեր հասկանում են հանրային պայմանավորվածության կարևորությունը ու չեն ուզում ենթարկվել բռնության սկզբունքին»։

Գեղամ Նազարյան. «... մի ենթախումբ էլ կա, որոնք շարունակ մեր ժողովրդին համոզում են, որ ոչ Սերժ Սարգսյանից, ոչ Ռոբերտ Քոչարյանից, ոչ Լեւոն Տեր-Պետրոսյանից, ոչ Հենրիխ Մխիթարյանից, ոչ մեզանից յուրաքանչյուրից ոչինչ կախված չէ, եւ որ մենք նույնիսկ ցանկության դեպքում չենք կարող ոչինչ փոխել, քանի դեռ փոխելու տրամադրություն չունեն Ռուսաստանը, ԱՄՆ-ն կամ Ֆրանսիան»։

Գևորգ Լալայան. «Իսկ դուք չէիք հավատում. տեսա±ք, որ ոլորտի պատասխանատուները տղամարդու նման տեր կանգնեցին իրենց խոսքին, ապրիլի մեկից գազը դարձյալ կթանկանա: Այդպիսով' մենատիրոջ իր իրավունքից բխող ամենակարողությանը վայել «Գազպրոմը», ըստ էության, նորանոր պայմաններ է թելադրում հայաստանցի ծակգրպան սպառողին»։

Թաթուլ Հակոբյան. «Նախագահ Սարգսյանը իզուր է նեղացել թուրքերից և վիրավորանքն արտահայտելու համար օգտագործում է երկրի առաջնորդին անհարիր տերմինաբանություն: Ոչ միայն ժամանակի ընտրության պահն է սխալ ընտրվել, այլև ելույթի վայրը»։

Վարդան Մխիթարյան. «Հայաստանը փոքր երկիր է, և առանց սոցիոլոգների էլ պարզ է, թե որ ուժն ինչ վարկանիշ ունի, և որ քաղաքական գործչին քանի հոգի է վստահում»։

Էդիկ Անդրեասյան. «Չէի ցանկանա, որ ինչ-որ մեկը վատ բան մտածեր Երևանի նոր քաղաքապետի մասին: Բայց Մելլերի խոսքերը հանգիստ չեն տալիս' ի՞նչ թիվ է նա նշելու գալիք ապրիլի մեկից հետո իր նոր հարցազրույցում, եւ «Գազպրոմ»-ին անցած ի՞նչ նոր ենթակառուցվածքի անուն է բարձրաձայնելու»։

Գեղամ Նազարյան. «Ոչ այնքան տաղանդավոր մարդն էլ, որն առնվազն վերջին տասը տարին բնակվում է Հայաստանում, հասկանում է, որ վարչախումբը, այլ կերպ ասած՝ Սերժ Սարգսյանը և նրա մերձավոր շրջապատը, ամենայն լրջությամբ պատրաստվում են 2012թ. խորհրդարանական և 2013թ. նախագահական ընտրություններին»։

Վարդան Մխիթարյան. «Ղարաբաղը որպես շանտաժի գործիք են օգտագործում նաև վարչախմբի ներկայացուցիչները, որոնք ժողովրդին պարբերաբար վախեցնում են հնարավոր պատերազմով' նպաստելով արտագաղթի թափի ուժգնացմանը: Շանտաժն օգտագործվում է նաև ղարաբաղցիների նկատմամբ»

Դավիթ Գալստյան. «Շատերը կարծում են, որ ԲՀԿ առաջիկա համագումարում կլինեն արտառոց զարգացումներ: Մեր կանխատեսմամբ դա այդպես չի լինի: Մեկ ամիսը շատ կարճ ժամանակ է նման կտրուկ որոշումներ կայացնելու համար»։

Վարդան Մխիթարյան. «Ընդամենը կես ամսվա ընթացքում արտաքին ճակատում մի քանի անհաջողություն արձանագրեցինք, որը, մեղմ ասած, բոլորովին էլ լավ ցուցանիշ չէ: Իսկ թե ինչ էր անում Նալբանդյանը Հարավային Ամերիկայում, և ինչ շահեր ունի այնտեղ Հայաստանը, դժվար է ասել»։

Թաթուլ Հակոբյան. «Հայաստանում, սփյուռքում և հատկապես Արցախում շատերը քննադատեցին «հետաձգված հանրաքվեի» գաղափարը, ներկայացնելով բազմաթիվ խոհեմ և ոչ խոհեմ առարկություններ: Քննադատներից շատերը շտապեցին գրել, որ Լեռնային Ղարաբաղը 1991 և 2006 թվականներին արդեն անցկացրել է հանրաքվե և միահամուռ վճռել, որ Արցախը անկախ և ինքնիշխան պետություն է»։