Նիկոլ Փաշինյանն ինձ համար դավաճան չէ, թշնամի է, որի դեմ պայքարի բոլոր ձևերն օրինական են։ Բայց մեզ պետք չէ արյան միջոցով իշխանություն։

Ամեն ինչ ողբերգական է, վտանգավոր: Երկրի կառավարման համակարգը կտրուկ անկում է ապրում: Խոսքը հայկա­կան պետականության լինել-չլինելու մասին է։

«Մարտի 1»-ը պատվիրված դատավարություն է, որի շահառուներից մեկը Թուրքիան է և որի միջոցով խնդիր է դրվել գերության մեջ պահել ՀՀ անվտանգությունը։

Չգիտես ինչու հենց Ալիևն ու Էրդողանն են անհանգստանում Հայաստանի ներքաղաքական կյանքով, որովհետև հասկանում են, որ հայկական բանակն իրենց խփել է ու կխփի։

Իր անվտանգությանը սպառնացող իրական վտանգի շուրջ հայ ժողովուրդը չի լրջանում, չի լսում ո՛չ թշնամու նախազգուշացումները, ո՛չ անգամ սեփական բանակի տագնապի ազդանշանները։

Փաշինյանը պարզապես «պերսոնա գրատա» է Թուրքիայում։ Մարդ, որին թուրքերը Հայաստանի իշխանությունում պահպանելու մեծագույն ցանկություն ունեն։

Փաշինյանը հավաքագրված է ՄԻ 6-ի կողմից, որպեսզի Հայաստանը տանի Թուրքիայի տակ և Ռուսաստանին դուրս մղի տարածաշրջանից։

Եթե Ռուսաստանը վատ սպառազինություն է տրամադրում, ապա ինչո՞ւ են ռուսական զորքերն ուղարկվում հսկելու սահմանը Ադրբեջանի Հանրապետությունից Սյունիքի մարզում։

Ներկայիս կառավարության օրոք Հայաստանի ոգու և պաշտպանունակության ոչ մի վերածնունդ հնարավոր չէ։

Փաշինյանը, ով անձամբ մեղավոր է հայ ժողովրդի սարսափելի ողբերգության համար, ասում է, որ բոլորը մեղավոր են, բացի իրենից:

Երբ մարդ ձգտում է, որ մեղավոր չլինի, նա և՛ «Իսկանդեր»-ների մասին մտացածին բաներ կասի, և՛ հայ ժողովրդին մեղավոր կհանի, և՛ զինվորականներին կմեղադրի:

Իլհամ Ալիևի ու Նիկոլ Փաշինյանի քարոզչական թեզերը նույնն են։ Նույնն են նաև նրանց աջակցող լրատվամիջոցների թեզերը՝ պրոթուրքական, հակահայկական, հակառուսական։

Վերջին 3 ամիսներին ոստիկանության վրա պետության ծախսերը կազմել են 50 մլրդ դրամ։

Քանի ես շնչում եմ, կա՛մ բանտ, կա՛մ ազատություն։ Նիկոլը պատասխան է տալու։

Փաշինյանը չի կատարել Հայաստանի ժողովրդի կողմից իր վրա դրված հիմնական պարտականությունները: Նա դավաճանել է Արցախն իր անկարողությամբ և ապաշնորհությամբ: 

Պետությունը շարունակում է արագ գլորվել անդունդ․ խայտառակ կապիտուլյացիային, Արցախի և մի ամբողջ սերնդի կորստին հաջորդելու է անդառնալի ներքին կոլապս։

44 օր մեզ ֆեյք լուրերով պահեցին, իսկ հիմա ֆեյքերի բազմության հետևից են ընկել։ Մի՞թե ԱԱԾ-ի հիմնական գործառույթը լինելու է «ֆեյք-ֆեյք» խաղալը, ավելի լուրջ խնդիրներ չունի՞։

Մեզ լավագույն դեպքում ամիսներ են մնացել։ Հետո արդեն անդառնալի բաներ են լինելու։ Ի վերջո, մենք կա՛մ վաճառքի առարկա կդառնանք, կա՛մ մեզ պարզապես կգրավեն։